Lucas 11:36 - Kagi Ka Manama

³⁶ Atin ka kappawaan tô tibuk lawa nu, asta ándà palang kangittángngan, mappawà dán tô langun, iring na sulù na ágséllà tun áknikó.”

Lucas 11:36 ပူးပေါင်းရင်းမြစ်များ

2 Corinto 4:6

Tô Manama na igkagi na, “Duwán dán kappawaan tun ta kangittángngan,” sikandin pagsik tô igpappawà kani pusung ta ébô makagpát ki na ni gó tô kappawaan din na ágkitanán tun ta bónnóng i Cristo.

2 Pedro 3:18

Asal panayun yu tanggapi tô kédu asta tô kagpáttan tikud tun ta Áglangngagán ta asta Taratábbus na si Jesu-Cristo. Mólà pa ka durungán asta pabantugán sikandin áknganni asta sippang ka ándà ágtamanán! Matuman ni.

Colosas 3:16

Mólà pa ka kapánnuan tô panámdám yu katô madigár ágtinuruán tingód ki Cristo ébô kumapandé kó. Gamit yu tô mga kagi din ka ágpatinurué kó asta ágpatambagé kó. Pasalamat kó katô Manama ukit katô kakanta yu ka mga kagi ka Manama na igsulat, asta ukit ka mga kanta tingód ki Jesus, asta ukit ka mga kanta na tikud tun ta Ugis Espiritu.

Santiago 1:25

Asal tô gestudyo katô tuu nángngà kagi ka Manama na makapaluwà ákniyu, asta gahà kani, asta dì ágkalingó katô idinág din, asal ágtuman kani, bággayan ka Manama sikandin katô kadayawan tingód katô katuman din.

Hebreo 5:14

Asal makakan tô igdakál dán manubù, su inalayun sikandin pakasóddór ka kapókit ébô ássan din tô madigár asta tô madat.

Efeso 4:14

Atin ka matuman ni, dì kid méring na mga gabatà. Dì kid méring na barko na ágpiddán ka balud asta áglayapán ka karamag, su dì ki sékót ágkapid katô mga ágtinuruán ka mga katig áglimbung ukit ka bulaló.

Mateo 13:52

Purisu igkagi si Jesus, na mà din, “Atin ka duwán taratinurù na duwán kakatigan din tingód katô kagi ka Manama na taganà dán igsulat, asta miring sikandin katô mantu katinurù ku tingód katô pagpangulu ka Manama, iring sikandin katô tigatun ka balé na duwán dakál kaduwánnan na inalayun din ággamitán, agad tapé dán ó mantu.”

Mateo 5:15

Atin ka ágrákkáttan é sulù, dì ágtambunan, asal ágsapatán ébô kataddawan tô langun manubù tun dalám ka balé.

Lucas 11:35

Purisu banté ka ébô dì kumangittáng tô sulù tun ta lawa nu.

Lucas 11:37

Na, pángnga igtinurù si Jesus, duwán sábbad sakup ka mga Pariseo na igpakan kandin. Purisu igahu si Jesus tun ta balé katô Pariseo, asta igkan dan.