Juan 6:64 - Kagi Ka Manama

⁶⁴ Asal duwán kannun ákniyu na dì ágpamaké kanak.” Tô gó tô igkagi i Jesus, su taganà din dán isóddóran ka sadan tô mga manubù na dì ágpamaké, asta isóddóran din ka sadan tô pammát kandin.

Juan 6:64 ပူးပေါင်းရင်းမြစ်များ

Juan 10:26

Asal dì kó ágpamaké, su ándà kó pasakup tun ta mga karnero ku.

Hebreo 4:13

Ándà palang manubù na makallás tun ta Manama, su ágkitanán din tô langun, asta matayyó tun ta kasállág din. Sikandin gó tô kailangan tubangán ta.

2 Timoteo 2:19

Asal dì mapalin tô kabánnalan na tikud tun ta Manama, su iring na masarig ágpónsadanan na igsulatan kani, “Isóddóran katô Áglangngagán tô langun na igpasakup tun kandin.” Asta, “Tô langun na ágkagi na ágbánnalán dan tô Áglangngagán, kailangan sumódô dan lumumu katô salà.”

Roma 8:29

Tô ándà pa imuwi ni banuwa, taganà isóddóran ka Manama na mamaké ki kandin, asta taganà igsalin pagsik sikandin na imun ki iring na Batà din ébô imun si Cristo na kaké ta na mga gabatà ka Manama.

Juan 6:61

Asal isóddóran i Jesus na duwán mga disipulu din na igburáng-buráng tingód katô igtinurù din. Purisu igkagi sikandin, na mà din, “Atin ka méllé kó kanak tingód katô igkagi ku géna,

Juan 5:42

asal isóddóran ku na dì kó ágginawa katô Manama.

Lumu 15:18

Ni gó tô igkagi katô Áglangngagán na igpasóddór din sayyan.’

Juan 6:66

Na, tikud katô oras tô, marapung tô mga disipulu na igtanan ki Jesus, asta ándà dan tákkás kandin.

Juan 6:36

Asal taganà ku igkagi ákniyu na agad igkita kó kanak, ándà kó gó pamaké kanak.

Juan 8:55

Asal ándà kó pa ikasóddór kandin. Ikasóddórra kandin. Atin ka kumagiya na ándà a ikasóddór kandin, bulalónna iring ákniyu. Asal ikasóddórra gó kandin, asta ágbánnalán ku tô mga kagi din kanak.

Juan 8:23

Igkagi si Jesus, na mà din, “Sikiyu tô taga tanà, asal sakán tô taga langit. Ni banuwa tô igtikudan yu, asal ánnà ni banuwa tô igtikudan ku.

Mateo 10:4

si Simon na magani, asta si Judas Iscariote na igpammát ki Jesus.

Juan 6:60

Na, tô igdinág tô mga disipulu i Jesus kani igtinurù din, marapung tô igpatóngkóé, na mà dan, “Matággas ágkagpáttan ni igtinurù din. Ándà manubù na makatanggap kani.”

Juan 18:4

Na, taganà dán isóddóran i Jesus ka ándin tô dumunggù kandin. Purisu tô igdunggù tô mga manubù na igtákkás ki Judas, igsumar i Jesus sikandan, asta iginsà sikandin, na mà din, “Sadan tô ágpamasakán yu?”