Juan 6:36 - Kagi Ka Manama

³⁶ Asal taganà ku igkagi ákniyu na agad igkita kó kanak, ándà kó gó pamaké kanak.

Juan 6:36 ပူးပေါင်းရင်းမြစ်များ

Juan 12:37

Agad igkita tô mga manubù katô marapung mga kasalábbuan na iglumu i Jesus, asal ándà dan pamaké kandin.

Juan 6:26

Igtaba si Jesus, na mà din, “Paminág yu ni kagin ku ákniyu. Igpamasak kó kanak ánnà su igpamaké kó ukit katô kasalábbuan na igpakita ku ákniyu, asal igpamasak kó kanak su ibássug kó katô pan na igpakan ku ákniyu bani.

Lucas 16:31

“Igkagi si Abraham, na mà din, ‘Atin ka dì dan maminág katô igsulat i Moises asta tô mga propeta, dì dan pagsik mánnal agad duwán pa inaté na manté puman.’”

Juan 15:24

Atin ka ándà dan kita katô mga kasalábbuan na iglumu ku na dì malumu ka duma manubù, dì dan ruudan na duwán salà. Asal igkita dan tô mga iglumu ku, asta iringasa dan kanak asta tô Ámmà ku.

Juan 6:64

Asal duwán kannun ákniyu na dì ágpamaké kanak.” Tô gó tô igkagi i Jesus, su taganà din dán isóddóran ka sadan tô mga manubù na dì ágpamaké, asta isóddóran din ka sadan tô pammát kandin.

Juan 6:40

Kakalyag katô Ámmà ku na bággayan ka kantayan na ándà ágtamanán tô langun manubù na ágpamasak asta ágpamaké kanak, asta antén ku puman sikandan tun ta tapuri álló.”

Juan 6:30

Iginsà sikandan, na mà dan, “Ándin tô kasalábbuan na pakitanán nu áknami ébô mamaké ké áknikó? Ándin tô lumun nu?

Juan 6:37

Tô langun manubù na igsarig katô Ámmà ku dini kanak, tô gó tô padani kanak. Tô manubù na padani kanak, dì ku sikandin élléyan.