Juan 18:17 - Kagi Ka Manama

¹⁷ Tô bayi na ágbanté katô sállat igkagi ki Pedro, na mà din, “Sikuna pagsik tô sábbad disipulu katô manubù na igámmát?” Asal igtaba si Pedro, na mà din, “Ánnà!”

Juan 18:17 ပူးပေါင်းရင်းမြစ်များ

Juan 21:15

Na, pángnga dan igpamahaw, iginsà si Jesus ki Simon Pedro, na mà din, “Simon na batà i Juan, tuu dakál tô ginawa nu kanak ka tandingán kani duma?” Igtaba si Pedro, na mà din, “Óó, Áglangngagán. Isóddóran nu na ágginawaan ku sikuna.” Igkagi si Jesus, na mà din, “Dóppóni nu tô mga karnero na igpasakup kanak.”

Juan 18:25

Na, iginadang si Simon Pedro. Iginsà tô mga manubù kandin, na mà dan, “Sikuna pagsik tô sábbad disipulu din?” Asal igbulun si Pedro, asta igkagi sikandin, na mà din, “Ánnà!”

Juan 18:16

Asal si Pedro dutun ta luwà katô koral na madani tun ta sállat. Na, tô disipulu i Jesus na ikilalaan katô tuu mallayat ka pangulu ka templo, iglónód sikandin tun ta sállat katô koral, asta igkagiyan din tô bayi na ágbanté ébô mahu si Pedro tun dalám.

Lucas 22:54

Na, igámmát dan si Jesus, asta igpid dan tun ta balé katô tuu mallayat ka pangulu ka templo. Igtalundug si Pedro, asal igpadiyù dád sikandin.

Mateo 26:33

Igkagi si Pedro ki Jesus, na mà din, “Agad tumanan tô langun dan, asal diya gó tumanan áknikó.”

Lumu 12:13

Tô igdunggù si Pedro, igtákták din tô sállat katô koral. Duwán sábbad állang bayi na ágngadanan ki Roda na igahà ka sadan tô tun ta sállat.

Juan 18:8

Igkagi si Jesus, na mà din, “Igkagiyad ákniyu na sakán tô ágpamasakán yu. Na, atin ka sakán tô ágpamasakán yu, pabayà yu ni duma mga manubù.”

Juan 18:5

Igtaba sikandan, na mà dan, “Si Jesus na taga Nazaret.” Igkagi si Jesus, na mà din, “Sakán tô ágpamasakán yu.” Si Judas na igpammát ki Jesus igduma katô mga sundalo.