Juan 14:21 - Kagi Ka Manama

²¹ “Tô manubù na maminág asta tumuman katô mga sugù ku, tô gó tô ágginawa kanak. Tô manubù na ágginawa kanak, tô gó tô ágginawaan katô Ámmà ku, asta ginawaan ku sikandin, asta pakita a kandin.”

Juan 14:21 ပူးပေါင်းရင်းမြစ်များ

Juan 14:15

“Na, atin ka ágginawaanna ikiyu, tumanán yu tô mga sugù ku ákniyu.

1 Juan 5:3

Atin ka ágginawa ki katô Manama, ágtumanán ta tô mga sugù din, asta dì mahirap tô pagtuman ta katô mga sugù din.

1 Juan 2:5

Asal tô manubù na ágtuman katô kagi ka Manama, ágginawa sikandin ka Manama iring katô kaginawa ka Manama kandin. Ukit kani kasóddóran ta na igpasábbad kid tun ta Manama.

2 Juan 1:6

Atin ka ágginawa ki katô Manama, tumanán ta tô mga sugù din áknita, asta igsugù din na kailangan paginawaé kó, su tô gó tô igdinág yu tikud tun ta kapamaké yu.

Juan 16:27

su ágginawa tô Ámmà ku ákniyu tingód katô kaginawa yu kanak, asta igbánnal kó na igpapidda katô Ámmà ku.

Lucas 11:28

Asal igtaba si Jesus, na mà din, “Asal duwán dayó katô langun manubù na ágpaminág asta ágtuman katô kagi ka Manama!”

Juan 15:14

Atin ka tumuman kó katô mga sugù ku ákniyu, mga rarak ku sikiyu.

Igpakita 3:20

Na, ágtindágga nit sállat, asta ágtáktákka. Atin ka duwán maminág katô kagi ku, asta pókéan din tô sállat, mahuwa, asta kumanna duma kandin.

Igpakita 22:14

Kadayawan tô mga manubù na iglaba katô kapa dan, su mému dan kuman katô mga buuy ka kayu na ágbággé ka kantayan, asta mému dan mahu tun ta mga sállat katô lunsud.

2 Corinto 4:6

Tô Manama na igkagi na, “Duwán dán kappawaan tun ta kangittángngan,” sikandin pagsik tô igpappawà kani pusung ta ébô makagpát ki na ni gó tô kappawaan din na ágkitanán tun ta bónnóng i Cristo.

Igpakita 2:17

Kailangan maminág kó ébô makagpát kó kani ágkagin katô Ugis Espiritu tun ta mga ágpampamaké. Tô mga makapanalu ka kadattan, tô gó tô bággayan ku katô mana na igtagù para kandan tun ta langit. Bággén ku kandan tô mapputì batu na igsulatan ka mantu ngadan. Tô bággayan ku kani, tô dád gó é makasóddór ka sadan ngadan tô igsulat dutun.’”

Juan 17:23

su sakán tô diyan kandan, asta sikuna tô dini kanak. Kakalyag ku na bánnal dan pasábbadé ébô kasóddóran katô langun nit banuwa na sikuna tô igpapid kanak, asta ágginawaan nu sikandan iring katô kaginawa nu kanak.

1 Juan 3:1

Panámdám kó tingód katô dakál ginawa ka Ámmà Manama na igpakita din áknita, su igtawar ki ikandin na mga gabatà din. Sikita gó tô mga gabatà din. Purisu tô mga manubù nit banuwa na dì ágpamaké ándà ikasóddór na sikita tô mga gabatà ka Manama su ándà dan kasóddóri ka sadan tô Manama.

2 Tesalonica 2:16

Na, ágdasal ké tun ta Áglangngagán ta na si Jesu-Cristo asta tun ta Ámmà ta na Manama na igginawa áknita asta igbággé áknita katô kabákkárran na ándà ágtamanán asta katô madigár gimanan ukit katô kédu din áknita.

Juan 16:14

Pabantugánna katô Ugis Espiritu, su pasóddórán din tô langun na ágtanggapán din tikud dini kanak,

Juan 14:18

“Diya tumanan ákniyu na iring na ándà ágdóppón, asal lumónódda puman diyan ákniyu.

2 Timoteo 4:22

Mólà pa ka dumóppón tô Áglangngagán áknikó. Mólà pa ka kéduwan tô Manama ákniyu langun.

2 Corinto 3:18

Purisu su ándà dán ikatambun áknita, ágkitanán tô séllaán katô Áglangngagán tun ta báttuk ta. Su ágpamantun ki katô Ugis Espiritu katô Áglangngagán, tuu pa ágkitanán tô séllaán din dini áknita asta makéring ki kandin.

Lumu 22:18

Igkagi tô Áglangngagán na igkita ku, ‘Sékót ka panó tikud nit Jerusalem, su dì maminág ni mga manubù katô ágkagin nu tingód kanak.’

2 Corinto 12:8

Ikatálluwa igpamuyù tun ta Áglangngagán na kangén din ni bógók tikud kanak.