Juan 12:38 - Kagi Ka Manama

³⁸ Purisu ituman tô igkagi katô propeta sayyan na si Isaias, na mà din, “Áglangngagán, agad igpakita nu na duwán katulusan nu, asal ándà manubù na ágbánnal katô ágtinuruán dé.”

Juan 12:38 ပူးပေါင်းရင်းမြစ်များ

Roma 10:16

Atin ka iring kani tô panámdám ka manubù, ni gó tô taba ku. Duwán dán gó mga manubù na igpapid ka Manama tun ta mga Judio, asal tagsábbadé dád tô igbánnal katô Madigár Gulitán. Tô gó é igkagi katô propeta na si Isaias sayyan, na mà din, “Áglangngagán ku, tagsábbadé dád tô mga igbánnal katô igulit dé kandan.”

Roma 10:20

Tuu matayyó tô kagi ka Manama na igsulat i Isaias sayyan tingód katô mga manubù na ánnà sakup ka banuwa ka Israel, na mà din, “Kitanánna katô mga ándà pamasak kanak. Pakita a tun ta mga ándà insà tingód kanak.”

1 Corinto 1:24

Asal tô langun katô igtawar ka Manama, agad Judio ó ánnà Judio, gulit-ulitan ta sikandan tingód ki Cristo na ágpasóddór na matulus asta mapandé tô Manama.

Galacia 1:16

Igpakita din kanak tô Batà din ébô mulit-ulitta katô Madigár Gulitán tingód ki Jesus tun ta mga ánnà Judio. Ándà gó palang manubù na igpamuyuan ku ka mga tinurù.

Mateo 16:17

Igkagi si Jesus, na mà din, “Simon, batà i Jonas, duwán dayó nu! Ánnà manubù tô igpasóddór áknikó na sakán tô Batà ka Manama, asal Ámmà ku tun ta langit tô igpasóddór kanan áknikó.

Juan 19:24

Purisu igpatóngkóé dan, na mà dan, “Dì ta bissén ni, asal rumipa ki ébô kasóddóran ta ka sadan tô makatigatun.” Ukit katô karipa dan, ituman tô igsulat tun ta kagi ka Manama sayyan, na, “Talad-taladán dan tô mga umpak ku, asta ripan dan tô umpak ku.” Tô gó tô iglumu katô mga sundalo.

Juan 17:12

Róggun igduma a kandan, igdóppónan ku tô langun dan na igsarig nu kanak. Igdóppónan ku sikandan, asta ándà gó tun kandan na inandà ássa dád katô sábbad na kailangan supakan ébô matuman tô kagi nu na igsulat tingód kandin sayyan.

Juan 15:25

Ukit ka ringasa dan, ituman dán ni kagi na igsulat tun ta kagi ka Manama sayyan, “‘Ándà tindággan katô ringasa dan kanak.’

Mateo 15:7

Kéman yu ka nángngà tô áglumun yu tun ta saruwan ka Manama! Sikiyu tô igtádduan kani kagi ka Manama na igulit i Isaias sayyan,

Mateo 27:35

Igpansalan katô mga sundalo si Jesus tun ta krus. Igtalad-talad dan tô umpak din ukit ka ripa.

Juan 12:37

Agad igkita tô mga manubù katô marapung mga kasalábbuan na iglumu i Jesus, asal ándà dan pamaké kandin.

Juan 12:39

Purisu dì dan makapamaké, su igkagi pagsik si Isaias, na mà din,