Juan 11:11 - Kagi Ka Manama

¹¹ Na, igkagi si Jesus, na mà din, “Igtudug dán tô rarak ta na si Lazaro. Purisu madunna ébô ánnón ku sikandin.”

Juan 11:11 ပူးပေါင်းရင်းမြစ်များ

Juan 11:13

Tô gó tô igkagi dan su kéman dan ka igpaginawa asta igtudug dád si Lazaro. Asal tô igkagi i Jesus tingód katô kamatayan i Lazaro.

1 Tesalonica 5:10

Sikandin tô igpamaté bullas áknita ébô móddô ki duma kandin agad inaté kid ó manté ki pô ka lumónód sikandin.

1 Corinto 15:51

Paminág kó! su pasóddórán kud ákniyu tô kabánnalan na ándà pa pasóddóri ka Manama asal igpasóddór din dán kanak. Dì maté tô langun ta, asal kabullasan tô lawa katô langun ta.

Lumu 7:60

Na, iglingkóód si Esteban, asta igullaó sikandin, na mà din, “Áglangngagán, yaka ágsupak kandan tingód kani salà na iglumu dan kanak.” Na, pángnga din igkagi ni, inaté sikandin.

Mateo 27:52

Ipókéan tô mga lábbáng, asta inanté puman tô marapung manubù na igbánnal ka Manama.

Efeso 5:14

su kappawaan tô langun na ágtaddawan katô kabánnalan. Purisu duwán ágkagin na, “Atin ka ágtudug ka, lagimmata kad. Atin ka inaté ka, ánnó kad, su kataddawan ka i Cristo.”

Marcos 5:39

Tô igahu si Jesus tun ta balé, igkagi sikandin, na mà din, “Yakó gótép. Yakó ágsággó. Ándà kamaté tô batà. Igtudug dád sikandin.”

Mateo 9:24

Igkagi si Jesus, na mà din, “Luwà kó, su ándà kamaté tô batà. Igtudug dád sikandin.” Na, igngisiyan dan si Jesus.

Santiago 2:23

Ituman tô igpasulat katô Manama sayyan, na mà din, “Igpamaké si Abraham katô Manama. Purisu igtanggap ka Manama sikandin na nángngà tun ta saruwan din.” Tô gó tô gunayan na ágtawarán sikandin na rarak ka Manama.

1 Corinto 15:34

Piyai yu tô panámdám yu, asta sódô kó áglumu ka salà. Kailangan kayyaan kó su duwán tun ákniyu na ándà ikasóddór katô Manama.

1 Corinto 15:18

Atin ka ándà kanté puman si Cristo, tô mga igpamaké ki Cristo na inaté dán, igdungguan dan dán ka supak ka Manama.

Juan 11:3

Purisu duwán manubù na igpapid dan tun ki Jesus ébô kumagi, na mà din, “Sir, ibógókan tô ágginawaan nu.”

Juan 3:29

Tô bayi na kasalán, tô gó tô tumákkás katô mama na kasalán. Asal tô rarak katô kasalán mama tô ágkadayawan tingód katô igdinág din tô kagi katô rarak din na kasalán. Iringnga kandin, su tuuwa ágkadayawan.

Juan 11:10

Asal ka manó tô manubù ka dukilám, makadugsù sikandin, su ándà dán álló.”

Juan 11:12

Igkagi tô mga disipulu din, na mà dan, “Áglangngagán, atin ka igtudug dád si Lazaro, kóliannù sikandin.”