Igpakita 19:2 - Kagi Ka Manama

² Matullid asta nángngà tô karuud ka Manama katô mga usig din. Igruudan din dán tô ágkabantug madat bayi na igdadat katô mga manubù tun ta banuwa ukit katô kalayuk din kandan. Igsupakan sikandin ka Manama su igmatayan din tô mga ágsuguánnán ka Manama.”

Igpakita 19:2 ပူးပေါင်းရင်းမြစ်များ

Igpakita 6:10

Igullaó sikandan, na mà dan, “Áglangngagán na Matulus, ugis asta ágkasarigan ka. Madugé pa tô karuud nu asta tô kasupak nu katô mga manubù na góddô nit banuwa tingód katô kamaté dan áknami?”

Igpakita 18:20

Kailangan kadayawan kó na taga langit tingód ka kadattan katô lunsud. Kailangan kadayawan kó na mga sakup ka Manama, mga apostoles, asta mga propeta, su igsupakan dán ka Manama tô lunsud tingód katô iglumu din ákniyu!

Igpakita 18:3

Ikataglang tô langun manubù tun ta bówwó ka tanà katô madat mga kakalyag din. Tô mga harì ka banuwa iglayuk kandin. Iduwánnan tô mga negosyante tun ta banuwa ukit katô madat mga kakalyag din.”

Igpakita 15:3

Igkanta dan katô kanta i Moises na ágsuguánnán ka Manama sayyan, asta tô kanta katô Nati Karnero, na mà dan, “Áglangngagán na matulus Manama, tuu madigár tô áglumun nu! Nángngà asta ágkasarigan tô áglumun nu. Sikuna tô harì tun ta langun banuwa!