Igpakita 17:10 - Kagi Ka Manama

¹⁰ Tô pittu mga ulu katô magani mannanap, tô gó pagsik tô pittu mga harì. Inaté dán tô lima harì, duwán sábbad harì na manté áknganni, asta duwán pa sábbad harì na ándà pa pangulu. Atin ka dumunggù tô ikapittu harì, mangulu sikandin tun ta mabbabà timpo.

Igpakita 17:10 ပူးပေါင်းရင်းမြစ်များ

Igpakita 10:11

Na, igkagi puman tô igdinág ku tikud tun ta langit, na mà din, “Kailangan mulit-ulit ka puman katô ágpakagin ku áknikó tingód katô marapung klasi ka mga manubù, mga banuwa, mga kinagiyan asta mga harì.”

Igpakita 17:11

Tô magani mannanap na manté dángngan asta inaté dán, tô gó tô ikawalu harì, asal magunawa sikandin katô pittu mga harì na ikóna, asta dungguan sikandin ka supak.

Igpakita 13:3

Tô sábbad ulu katô magani mannanap duwán dakál amù, asta iring na makamaté. Asal inólian, asta isalábbuan gó tô langun manubù nit banuwa, asta igtákkás dan katô magani mannanap.

Igpakita 13:12

Iggamit din tô katulusan katô tagnà magani mannanap ébô piritán din tô mga manubù nit banuwa na mangadap katô tagnà magani mannanap na duwán amù na makamaté na inólian dán.

Igpakita 17:16

Tô sapulù (10) mga panga na igkita nu asta tô magani mannanap masókó katô madat bayi. Sulungán dan tô bayi, adólan dan, kannán dan tô ákkud din, asta góbbón dan sikandin,