Igpakita 14:1 - Kagi Ka Manama

¹ Na, igkita ku tô Nati Karnero na igtindág tun ta pabungan na ágngadanan Sion. Dutun pagsik tô kadumaan din na sábbad gatus kappatan áppat mararan (144,000) mga manubù. Sikandan tô mga manubù na duwán ngadan katô Nati Karnero asta ngadan katô Ámmà din na Manama na igsulat tun ta bukád dan.

Igpakita 14:1 ပူးပေါင်းရင်းမြစ်များ

Igpakita 3:12

Tô mga makapanalu ka kadattan, tô gó tô imun ku na ágkasarigan, iring na mga sumbál tun ta templo katô Ámmà ku na Manama. Móddô dan gó dutun, asta sulatan ku sikandan katô ngadan ka Ámmà ku na Manama, asta tô ngadan katô lunsud na góddóan katô Ámmà ku, tô lunsud na ágngadanan Mantu Jerusalem na sumunnad tikud tun ta langit asta tikud tun ta Manama. Sulatan ku sikandan katô mantu ngadan ku.

Lucas 12:8

“Na, kagiyan ku sikiyu na tô manubù na kumagi tun ta duma mga manubù na igpasakup sikandin kanak na Igpamanubù, kumagiya pagsik tun ta saruwan katô mga panaligan ka Manama na sikandin tô sakup ku.

Roma 9:33

Mà katô kagi ka Manama na igsulat, “Paminág kó kanak. Duwán sánnarán ku tun ta lunsud na ágngadanan Sion. Iring sikandin na batu na kasungkulan dan asta gélléyan dan. Asta tô mamaké kandin, dì dan gó kayyaan.”

Igpakita 14:14

Na, igkita ku tô mapputì sagulapun, asta duwán igunsad dutun na iring na bónnóng katô Igpamanubù. Duwán korona na bulawan na igtagù tun ta ulu din, asta duwán matam garab na gawidan din.

Igpakita 15:5

Na, pángnga igkanta dan, igkita ku na igpókéan tô templo ka Manama tun ta langit, asta igkita ku tô tun dalám katô Ugis Lugar na ágtaguan katô mga sugù ka Manama na igsulat.

Igpakita 6:8

Na, igkita ku tô mararám kudà. Si Kamatayan tô ngadan katô igsaké, asta si Hades tô ngadan katô ágtalundug kandin. Igpapid dan ébô matayan dan tô ikappat bahin katô mga manubù nit banuwa ukit katô gira, ballus, bógók, asta magani mga mannanap ka kabánnássan nit banuwa.

Igpakita 4:1

Na, pángnga igsulatta kani, igkita ku tô sállat na igpókéan tun ta langit! Tô taganà igkagi kanak ka mabákkár iring na kédup ka trumpeta, tô gó tô igkagi puman, na mà din, “Pénék ka dini, su pakitanán ku áknikó tô matuman na dumunggù tun ta tapuri álló.”

Igpakita 14:3

Igtindág dan tun ta saruwan katô gunsadanan ka pangulu, katô áppat matulus mannanap, asta katô mga ágpangulun. Igkanta dan ka mantu kanta. Ándà duma na ikakatig ka mantu kanta katô sábbad gatus kappatan áppat mararan (144,000) mga manubù na itábbus tikud tun ta mga manubù na góddô tun ta banuwa.

Igpakita 22:4

Kumita dan katô bónnóng ka Manama, asta ngadan din tô sulatán tun ta mga bukád dan.