Hebreo 7:8 - Kagi Ka Manama

⁸ Na, tô mga pangulu na parì na ágtanggap ka ikasapulù, ágkamaté dan. Asal tuu pa ágrespetowan si Melkisedec, su ándà uliti tô tingód katô kamatayan din, iring na ándà ágtamanán katô kaparì din.

Hebreo 7:8 ပူးပေါင်းရင်းမြစ်များ

Hebreo 5:6

Igkagi pagsik tô Manama tun kandin, “Sikuna tô Pangulu na Parì sippang ka ándà ágtamanán, iring katô kaparì i Melkisedec sayyan.”

Igpakita 1:18

Sakán tô manté. Inatéya, asal inantéya puman, asta mantéya gó sippang ka ándà ágtamanán. Sakán tô makanté puman katô mga manubù, asta sakán tô makapapid kandan tun ta Hades.

Hebreo 7:23

Kailangan marapung tô taganà mga pangulu na parì, su tô tagsábbad-sábbad kandan inaté, asta duwán ágtamanán katô kandan lumu.

Juan 14:19

Ka dì madugé, diya puman kitanán ka duma mga manubù nit banuwa. Asal sikiyu, kumita kó puman kanak. Su duwán kantayan ku, bággayan kó pagsik ka kantayan.

Hebreo 3:16

Tô mga manubù sayyan na igdinág ka kagi ka Manama asal igéllé kandin, tô gó tô igtákkás ki Moises tô igiwà dan tikud tun ta Ehipto.

Juan 14:6

Igkagi si Jesus, na mà din, “Sakán gó tô dalan. Sakán tô kabánnalan. Sakán tô ágtikudan katô kantayan. Ándà manubù na makasadun tun ta Ámmà ku ka dì mukit kanak.

Hebreo 9:27

Kailangan makasábbad dád maté tô manubù, asta pángnga ka maté, ruudan katô Manama.

Hebreo 7:7

su isóddóran ta na tô manubù na dumasal para katô duma, tô gó é tuu ágrespetowan ka tandingán katô manubù na dasalan din, asta si Melkisedec tô igdasal para ki Abraham.

Hebreo 7:9

Tuu pa ágrespetowan si Melkisedec, su agad si Levi tô igtanggap katô ikasapulù, asal iring na igbággé din tô ikasapulù tun ki Melkisedec ukit ki Abraham,