Hebreo 5:6 - Kagi Ka Manama

⁶ Igkagi pagsik tô Manama tun kandin, “Sikuna tô Pangulu na Parì sippang ka ándà ágtamanán, iring katô kaparì i Melkisedec sayyan.”

Hebreo 5:6 ပူးပေါင်းရင်းမြစ်များ

Hebreo 7:17

Mà katô kagi ka Manama na igsulat tingód kandin, “Sikuna tô Pangulu na Parì sippang ka ándà ágtamanán, iring katô kaparì i Melkisedec sayyan.”

Hebreo 7:21

Tô igimu tô Manama katô mga rubbad i Levi na parì, ándà sikandin sapà. Asal tô igimu sikandin ki Jesus na Pangulu na Parì ta, igsapà tô Manama tingód kandin, su mà katô kagi ka Manama na igsulat, “Dì gó mapalin tô igtandô katô Áglangngagán kandin: Sikuna tô Pangulu na Parì sippang ka ándà ágtamanán.”

Hebreo 7:3

Tun ta kagi ka Manama na igsulat, ándà sulati ka sadan tô ámmà asta innà din. Ándà ta kasóddóri ka sadan tô mga kamónaan din. Ándà sulati tô tingód katô kapamasusu din asta tô tingód katô kamatayan din. Iring sikandin katô Batà ka Manama na ándà ágtamanán katô kaparì din.

Hebreo 5:10

Tô gó igimu sikandin ka Manama Pangulu na Parì, iring katô kaparì i Melkisedec sayyan.

Hebreo 7:15

Isóddóran ta na igbullasan tô kaparì ka mga rubbad i Levi, su duwán dán mantu Pangulu na Parì na iring ki Melkisedec.

Hebreo 7:8

Na, tô mga pangulu na parì na ágtanggap ka ikasapulù, ágkamaté dan. Asal tuu pa ágrespetowan si Melkisedec, su ándà uliti tô tingód katô kamatayan din, iring na ándà ágtamanán katô kaparì din.

Hebreo 7:11

Na, igbággé ka Manama tô mga sugù ki Moises tingód katô kaparì ka mga rubbad i Levi. Atin ka itanggap tô mga manubù na nángngà tun ta saruwan ka Manama ukit katô kaparì ka mga rubbad i Levi, ándà pád kailangan na bullasan ka ássa klasi ka kaparì. Asal su ándà dan katanggap na nángngà, duwán iring katô kaparì i Melkisedec na igbullas kandan. Ánnà sikandin rubbad i Aaron.