Genesis 50:19 - Kagi Ka Manama

¹⁹ Asal igkagi si Jose, na mà din, “Yakó ágkamáddangan kanak. Ánnà sakán tô rumuud ákniyu, su Manama dád tô nángngà rumuud.

Genesis 50:19 ပူးပေါင်းရင်းမြစ်များ

Roma 12:19

Mga ágginawaan ku, yakó ágsulì katô mga manubù na iglumu ka madat ákniyu. Asal angati yu tô supak ka Manama kandan, su mà katô kagi ka Manama na igsulat, “Igkagi tô Manama, sakán tô sumulì kandan. Sakán tô sumupak katô mga iglumu ka madat ákniyu.”

Genesis 45:5

Na, yakó ágkasasó. Yakó ágkaranu tingód katô kabarigyà yu kanak, su igpóna a katô Manama dini ébô dì kó maté.

Genesis 30:2

Isókó si Jacob ki Raquel, asta igkagi sikandin, na mà din, “Ánnà a Manama! Sikandin tô ándà pabatà áknikó.”

Hebreo 10:30

Isóddóran ta na Manama tô igkagi kani, “Sakán tô sumupak kandan. Sakán tô sumulì kandan.” Igkagi pagsik, “Rumuud tô Áglangngagán katô mga sakup din.”

Mateo 14:27

Asal tigkô dád igkagi si Jesus kandan, na mà din, “Pasarig yu tô pusung yu, su sakán ni. Yakó ágkamáddangan.”

Genesis 50:18

Na, igsadun tô mga kataladi din tun kandin, asta iglingkóód dan. Igkagi sikandan, na mà dan, “Igsadun ké dini áknikó ébô mému ké na mga állang nu.”

Genesis 50:20

Agad madat tô iglumu yu kanak, asal igimu yan katô Manama na madigár, su igimuwa ikandin na gobernador ébô marapung tô mga manubù na dì maté ka ballus. Purisu sippang áknganni, manté ki pô.