Genesis 5:32 - Kagi Ka Manama

³² Pángnga ka lima gatus (500) tô idad i Noe, ipamasusu tô tállu gabatà din gamama na si Sem, si Ham, asta si Japet.

Genesis 5:32 ပူးပေါင်းရင်းမြစ်များ

Genesis 10:21

Si Sem na kaké i Japet, tô gó é kamónaan katô langun rubbad i Eber.

Genesis 6:10

Tállu tô gabatà din gamama, na si Sem, si Ham, asta si Japet.

Lucas 3:36

Si Sala tô batà i Cainan. Si Cainan tô batà i Arfaxad. Si Arfaxad tô batà i Sem. Si Sem tô batà i Noe. Si Noe tô batà i Lamec.

Genesis 10:32

Tô gó tô mga rubbad katô mga gabatà i Noe, asta duwán mga grupo asta mga pamilya ka tagsábbad-sábbad kandan. Pángnga katô lunup, igtalap tô langun manubù tun ta tagsábbad-sábbad grupo ka banuwa.

Genesis 10:1

Ni gó tô mga ngadan ka rubbad katô tállu gabatà i Noe, na si Sem, si Ham, asta si Japet, su duwán mga gabatà dan na ipamasusu pángnga katô lunup.

Genesis 7:13

Tô ándà pa lunupi tô tanà, taganà igahu si Noe tun ta arka asta tô mga gabatà din na si Sem, si Ham, asta si Japet, tô sawa i Noe, asta tô mga ikóddô kandin.

Genesis 5:31

Tô pittu gatus kapittuwan pittu (777) dán tô idad i Lamec, inaté sikandin.

Genesis 6:1

Na, tô igmarapung dán tô mga manubù nit bówwó ka tanà, asta tô igmarapung dán tô mga gabayi na ipamasusu,

Genesis 7:6

Tô iglunupan ni banuwa, ánnám gatus (600) tô idad i Noe.

Genesis 10:6

Tô mga gabatà gamama i Ham, tô gó si Cus, si Ehipto, si Put, asta si Canaan.