Genesis 48:14 - Kagi Ka Manama

¹⁴ Asal igpagsungkálli i Jacob tô bállad din, su bállad din dadan tun ta kawanan tô igpabówwó din katô ulu i Efraim, agad adi sikandin, asta bállad din dadan tun ta ibang tô igpabówwó din katô ulu katô kaké na si Manases.

Genesis 48:14 ပူးပေါင်းရင်းမြစ်များ

Genesis 41:51

Igngadanan din tô kaké ki Manases su igkagi si Jose, na mà din, “Igtabanganna katô Manama. Purisu ilingawan kud tô langun kahirapan na inókitan ku tun ta góddóan katô ámmà ku asta mga kataladi ku.”

1 Timoteo 5:22

Yaka ágtawang ágdappán ka ulu katô manubù ébô imun na tarapid ka simbaan, su atin ka lumumu sikandin ka salà, mabuyas ka duma kandin. Purisu lili ka kanan.

1 Timoteo 4:14

Gamit nu tô gasa na itanggap nu dángngan ukit katô igkagi katô mga propeta ka Manama tingód áknikó asta ukit katô kadappán ka mga tarapid ka simbaan katô ulu nu.

Lumu 13:3

Purisu igpuwasa dan, igdasal dan, asta igdappánnan dan si Bernabe asta si Saulo ka bállad. Igpapanó dan sikandan.

Lumu 6:6

Igpatubang dan tô pittu gamama tun ta mga apostoles, igdasalan dan katô mga apostoles, asta igdappánnan ka bállad dan.

Lucas 13:13

Na, igdappánnan i Jesus tô bayi, tigkô dád igmatullid tô bókkóg din, asta igdurung din tô Manama.

Lucas 4:40

Tô igsalláp dán tô álló, igpid katô mga manubù tun ki Jesus tô langun kadumaan dan na duwán ássa-ássa mga bógók. Igtukid i Jesus igdappánnan tô langun dan, asta inólian dan.

Mateo 19:15

Tô igdappán dán si Jesus ka bállad tun kandan asta igdasal, igpanó sikandin.

Mateo 19:13

Na, duwán mga manubù na igpid ka marénták mga gabatà dan tun ki Jesus ébô dappánnan din ka bállad asta dasalan din. Asal igsapadan dan katô mga disipulu din.

Mateo 16:18

Purisu kagin ku áknikó, sikuna si Pedro, asta ni gó tô batu na patindággan ku katô mga ágpampamaké. Dì dan talun ka katulusan ka kamatayan.

Mateo 6:5

“Atin ka dumasal kó tun ta Manama, yakó giring katô mga manubù na kéman dan ka nángngà tô áglumun dan tun ta saruwan ka Manama, su ágkadigárran dan na ágdasal tun ta simbaan asta tun ta dalan ébô kitanán dan ka duma mga manubù. Paminág yu ni kagin ku ákniyu. Duwán dán igpulus dan, asal ánnà tikud tun ta Manama.

Exodo 15:6

Áglangngagán, tuu madigár tô katulusan nu. Ágrupákkán nu tô mga usig nu.

Genesis 48:18

Igkagi si Jose, na mà din, “Ámmà, ánnà nángngà, su ni gó tô kaké. Ni gó tô kailangan pabówwówan nu katô kawanan bállad nu.”

Genesis 46:20

Duwa tô gabatà gamama i Jose na ipamasusu tun ta Ehipto, na si Manases asta si Efraim. Tô gó é gabatà i Jose asta i Asenat na batà i Potiferas na tarapid katô mga manubù na ágpangadap katô álló tun ta lunsud ka On.

Genesis 41:52

Igngadanan din tô adi ki Efraim, su igkagi si Jose, na mà din, “Igtabanganna katô Manama. Purisu tuuwa igbuuy nit banuwa na ihirapan ku.”

Genesis 48:13

Igawidan i Jose tô duwa gabatà din na si Efraim dadan tun ta ibang i Jacob, asta si Manases dadan tun ta kawanan. Igpapadani din puman sikandan tun ki Jacob.

Genesis 48:17

Na, tô igkita i Jose na si Efraim tô igpabówwówan katô kawanan bállad katô ámmà din, dì mému kandin. Purisu igawidan din tô bállad katô ámmà din ébô alinán din tun ta ulu i Manases.