Genesis 47:9 - Kagi Ka Manama

⁹ Igtaba si Jacob, na mà din, “Sábbad gatus tállu pulù (130) tô idad ku. Mabbabà dád tô idad ku, asta mahirap tô kóddô ku. Ándà pa ráppà tô idad ku katô idad katô mga kamónaan ku.”

Genesis 47:9 ပူးပေါင်းရင်းမြစ်များ

Genesis 35:28

Igdunggù ka sábbad gatus kawaluwan (180) tô idad i Isaac.

Exodo 7:7

Tô igtubang si Moises asta si Aaron katô harì ka Ehipto, kawaluwan (80) tô idad i Moises, asta kawaluwan tállu (83) tô idad i Aaron.

Exodo 6:4

Igimu ku pagsik tô kasabotan tun kandan, su bággén ku kandan tô banuwa ka Canaan na igóddóan dan sayyan iring na mga bisita.

Genesis 50:26

Purisu inaté si Jose tun ta Ehipto na sábbad gatus sapulù (110) tô idad din. Igpabalsamar dan tô lawa din, asta igtagù dan tun ta lungun.

1 Pedro 2:11

Na, mga ágginawaan ku, iring kó na ágróggun dád nit mga banuwa na góddóan yu. Purisu ágpédu-éduwa ákniyu na kailangan liliyan yu tô mga ágkadigárran katô lawa yu na ágdadat katô espiritu yu.

Santiago 4:14

Asal ándà yu kasóddóri ka ándin tô makadunggù ákniyu simag, su tô kantayan ta iring katô áddup na sékót dád ágkandà.

Genesis 47:28

Igóddô si Jacob tun ta Ehipto ka sapulù pittu (17) ámmé sippang ka sábbad gatus kappatan pittu (147) tô idad din.

Genesis 11:11

Pángnga ipamasusu sikandin, lima gatus (500) ámmé tô iglabé sippang ka inaté si Sem, asta duwán pa duma mga gabatà din na ipamasusu.

Hebreo 13:14

Makatiis ki su nit banuwa ni ándà palang góddóan ta na ándà ágtamanán. Asal gimanan ta pa tô lunsud na óddóan ta tun datas ta langit ka tapuri álló.

Genesis 5:27

Tô siyó gatus kannámman siyó (969) dán tô idad i Metusela, inaté sikandin.

2 Corinto 5:6

Purisu inalayun ágpasarigán tô pusung ta, agad isóddóran ta na róggun igóddô ki pa nit banuwa, dì ki pa móddô tun ta Áglangngagán.

Genesis 47:8

Iginsà tô harì kandin, na mà din, “Pira dán é idad nu?”