Genesis 45:5 - Kagi Ka Manama

⁵ Na, yakó ágkasasó. Yakó ágkaranu tingód katô kabarigyà yu kanak, su igpóna a katô Manama dini ébô dì kó maté.

Genesis 45:5 ပူးပေါင်းရင်းမြစ်များ

Genesis 50:20

Agad madat tô iglumu yu kanak, asal igimu yan katô Manama na madigár, su igimuwa ikandin na gobernador ébô marapung tô mga manubù na dì maté ka ballus. Purisu sippang áknganni, manté ki pô.

Lucas 23:34

Igdasal si Jesus tingód katô mga igpansal kandin tun ta krus, na mà din, “Ámmà, pasinsiyayi nu sikandan, su ándà dan kasóddóri ka ándin tô áglumun dan.” Na, igripa tô mga sundalo ébô talad-taladán dan tô umpak din.

Genesis 47:25

Igtaba sikandan, na mà dan, “Sir, tingód katô tabang nu áknami, dì kéd maté. Purisu atin ka mému áknikó, imu ké na mga taralumu katô harì.”

2 Corinto 2:11

Nángngà ka masinsiya ki kandin ébô dì ki mapid i Maibuyan, su isóddóran ta na madat gó tô mga kapókit din.

2 Corinto 2:7

Purisu pasinsiyayi yud sikandin asta pabákkár yu ébô dì mapid katô tuu ranu.

Filemon 1:15

Ni gó basì tô gunayan ka Manama na igdiyà si Onesimo áknikó tun ta mabbabà timpo ébô mamaké sikandin asta ébô móddô puman sikandin tun áknikó ka ándà ágtamanán.

Genesis 37:28

Tô ikadunggù dán tô mga Midianhon tun kandan, igkangé dan si Jose tikud tun ta balun, asta igbarigyà dan sikandin. Duwa pulù (20) abuk na mapputì bulawan tô bayad katô mga rubbad i Ismael kandin, asta igpid dan si Jose tun ta Ehipto.

Genesis 50:19

Asal igkagi si Jose, na mà din, “Yakó ágkamáddangan kanak. Ánnà sakán tô rumuud ákniyu, su Manama dád tô nángngà rumuud.

Genesis 50:21

Yakó ágkamáddangan, su sakán tô dumóppón ákniyu asta katô mga pamilya yu.” Madigár tô kagi din kandan ébô dì dan maranu.