Genesis 45:14 - Kagi Ka Manama

¹⁴ Na, igkápkáp si Jose katô adi din na si Benjamin, asta igsággó sikandin. Tô igkápkáp si Benjamin ki Jose, igsággó sikandin.

Genesis 45:14 ပူးပေါင်းရင်းမြစ်များ

Roma 1:31

Ágkatuluan dan. Dì dan ágtuman ka tandô. Ándà palang ágginawaan dan agad mga sakup ka kandan pamilya, asta ándà kédu dan.

Genesis 46:29

igsaké si Jose katô kalesa din, asta igsadun sikandin tun ta Gosen ébô sumumar katô ámmà din. Tô igdunggù dán sikandin, tigkô dád igkápkáppan din tô ámmà din, asta idugé sikandin igsággó.

Genesis 33:4

Asal igpalaguy si Esau igsumar ki Jacob, igkápkáppan din tô adi din, asta igadákkan din. Igsággó tô duwa dan.

Genesis 29:11

Igadák si Jacob ki Raquel asta igsággó tingód ka dayó din.

Lucas 15:20

Purisu igpanó sikandin asta igulì tun ta ámmà din. “Agad madiyù pa sikandin tun ta balé, isállággan katô ámmà tô batà din, asta inéduwan tô ámmà kandin. Igpalaguy tô ámmà. Igsumar din tô batà din. Igkápkáppan asta igadákkan din.

Genesis 42:24

Na, igtanan si Jose kandan dógó su igsággó sikandin. Tô iglónód sikandin tun kandan, igsalin din si Simeon, asta igpabagkás din sikandin tun ta tubang dan.

Genesis 43:30

Na, masig dán pád ikasággó si Jose, su ágginawaan din tô adi din. Purisu sékót sikandin igsadun tun ta kuwarto din, asta igsággó sikandin.

Genesis 45:2

Su tuu igsággó si Jose, ikadinág tô mga taga Ehipto tun ta luwà katô balé, asta igulitan tô mga manubù tun ta balé katô harì.

Genesis 45:15

Igkápkáppan i Jose tô tagsábbad-sábbad kandan, igadákkan din sikandan, igsággó sikandin, asta igpatóngkóé dan.