Genesis 43:5 - Kagi Ka Manama

⁵ Asal ka dì nu patákkássán, dì ké lumónód, su igkagi tô manubù na atin ka dì mákkás tô tambang adi dé, dì ké makalónód tun kandin.”

Genesis 43:5 ပူးပေါင်းရင်းမြစ်များ

Exodo 20:12

“Respetowi yu tô ákniyu ámmà asta innà ébô kumallayat tô kantayan yu diyan ta tanà na bággén ákniyu katô Áglangngagán na Manama yu.

Genesis 44:26

Asal igkagi ké na dì ké lumónód. Atin ka dì mákkás tô adi dé, dì ké makalónód dini. Asal ka mákkás sikandin, lumónód ké.

Genesis 42:38

Asal igkagi si Jacob, na mà din, “Dì mému tumákkás si Benjamin ákniyu, su inaté dán tô kaké din na si Jose, asta si Benjamin dád tô isamà. Tuuwad tugál. Mamánnuwa ka kadungguan sikandin ka madat tun ta dalan? Atin ka maté sikandin, matéya tingód katô ranu ku kandin.”

Genesis 42:20

Asal kailangan piddán yu dini kanak tô tambang adi yu ébô kasóddóran ku na bánnal tô igkagi yu, asta dì kó matayan.” Na, ignunug dan ki Jose.

Genesis 43:3

Asal igtaba si Juda, na mà din, “Igkagi tô manubù na dì ké makalónód tun kandin ka dì mákkás tô tambang adi dé.

Genesis 43:4

Atin ka patákkássán nu si Benjamin, lumónód ké ébô málli ké ka trigo para áknikó.

Genesis 43:6

Igkagi si Jacob na duwán ássa ngadan din si Israel, na mà din, “Manan ka iglumu kó kanak ka madat ukit ka kólit yu katô manubù na duwán pa kataladi yu?”

Genesis 44:23

Asal igkagi ka na dì ké makalónód dini áknikó ka dì mákkás tô tambang adi dé.

Genesis 42:15

Na, duwán lumun ku ébô kasóddóran ku ka bánnal tô igkagi yu. Ukit katô ngadan ka harì, kagin ku na dì kó makapanó tikud dini sippang ka makasadun dini tô adi yu.

Genesis 44:25

“Na, sábbad álló igkagi tô ámmà dé na kailangan lumónód ké dini ébô málli ka trigo.