Genesis 37:7 - Kagi Ka Manama

⁷ Igkáttu ki ka trigo tun ta kinamát, asta igbagkás ki katô kináttuwan ta. Ikatindág tô kanak binagkássan na iglibutan katô ákniyu mga binagkássan, asta iglangkáb tô ákniyu mga binagkássan tun ta kanak binagkássan.”

Genesis 37:7 ပူးပေါင်းရင်းမြစ်များ

Genesis 44:14

Tô igdunggù dán si Juda asta tô mga kataladi din tun ta balé i Jose, dutun pa sikandin. Iglingkóód tô langun dan sippang ka ikadunggù tô ulu dan tun ta tanà.

Genesis 42:6

Na, si Jose tô gobernador tun ta Ehipto, asta sikandin tô ágbarigyà ka trigo tun ta langun manubù. Purisu tô igdunggù tô mga kataladi i Jose tun ta Ehipto, igpadani dan tun kandin, asta iglingkóód dan sippang ka ikadunggù tô ulu dan tun ta tanà.

Genesis 43:26

Tô igulì si Jose, igbággé dan kandin tô mga gasa na igpid dan, asta iglingkóód dan sippang ka ikadunggù tô ulu dan tun ta tanà.

Genesis 42:9

Isampáttan i Jose tô tagénáp din dángngan tingód kandan, asta igkagi sikandin, na mà din, “Madat kó mga manubù! Igsadun kó dini ébô mahà kó katô kalómétan dé ébô makapanalu kó áknami.”

Colosas 1:18

Sikandin tô tuu mallayat su sikandin tô ulu katô langun ágpampamaké na igpanunggiringan katô lawa din. Sikandin tô ágtigkanayan katô langun, asta sikandin tô una inanté puman na dì puman maté ébô ágkasóddóran ta na sikandin tô tuu pa mallayat ka tandingán katô langun.

Filipos 2:10

ébô ka dinággán tô ngadan i Jesus, lumingkóód asta pabantug kandin tô langun, agad tun ta langit, ó nit tanà, ó tun ta siráb kani tanà,

Genesis 44:19

Sir, dángngan iginsà ka áknami ka duwán pa ámmà dé asta mga kataladi dé.

Genesis 27:29

Mólà pa ka marapung tô mga grupo na mému állang nu. Mólà pa ka marapung tô mga manubù na lumingkóód tun áknikó. Mólà pa ka mangulu ka tun ta langun kataladi nu. Mólà pa ka bánnalán ka katô langun gabatà katô innà nu. Supakan ka Manama tô langun manubù na dumadat áknikó, asal madigár tô bággén ka Manama tun ta langun manubù na mággé ka madigár tun áknikó!”

Genesis 37:6

Igkagi si Jose, na mà din, “Paminág kó tingód katô tagénáp ku.

Genesis 43:28

Igtaba sikandan, na mà dan, “Sir, manté pô tô ámmà dé, asta mabákkár pa sikandin.” Na, iglingkóód dan, asta igrespetowan dan sikandin.

Genesis 44:18

Na, igpadani si Juda tun ki Jose, asta igkagi sikandin, na mà din, “Sir, atin ka mému áknikó, malyagga pád kumagi áknikó. Yaka ágkasókó kanak. Magunawa tô kallayatan katô kamanubuan nu asta tô kallayatan katô harì.

Genesis 50:18

Na, igsadun tô mga kataladi din tun kandin, asta iglingkóód dan. Igkagi sikandan, na mà dan, “Igsadun ké dini áknikó ébô mému ké na mga állang nu.”