Genesis 34:14 - Kagi Ka Manama

¹⁴ Igkagi sikandan, na mà dan, “Dì mému pakalyagan tô tábbé dé tun ta manubù na ándà tupuwi, su kayyaan ké.

Genesis 34:14 ပူးပေါင်းရင်းမြစ်များ

Roma 4:11

Tô igpamaké dán si Abraham, igkagi tô Manama na kailangan patupu si Abraham, su tô gó tô pató na igtanggap ka Manama sikandin na nángngà tun ta saruwan din ukit katô kapamaké din tô ándà pa sikandin tupuwi. Purisu inému si Abraham na ámmà katô langun ágpamaké agad ándà dan tupuwi, asta igtanggap ka Manama sikandan na nángngà tun ta saruwan din.

Mateo 2:13

Na, tô igpanó dán tô katig mga manubù, duwán panaligan katô Áglangngagán na igpakita ki Jose ukit ka tagénáp. Igkagi tô panaligan, na mà din, “Ánnó ka. Pid nu tô batà asta tô innà din, asta palaguy kó tun ta banuwa ka Ehipto. Óddô kó tun sippang ka pólián ku sikiyu, su duwán mga sundalo na papiddán i Herodes ébô pamasakán tô batà asta matayan.”

Mateo 2:8

Igkagiyan din sikandan, na mà din, “Sadun kó tun ta Betlehem, asta pamasak yu tô batà. Atin ka kitanán yu sikandin, lónód kó dini asta ulitiya ébô madunna pagsik, asta mangadappa kandin.”

Genesis 17:14

Atin ka dì tupuwan tô mama, dì mému dumuma ákniyu, su dì sikandin mánnal katô kasabotan ku.”

Genesis 17:11

Kailangan tupuwan kó, su tô gó é pató tingód katô kasabotan ku tun áknikó.

Genesis 34:13

Tô igtaba tô mga gabatà i Jacob ki Siquem asta katô ámmà din na si Hamor, iglimbung dan kandan su igpamókkós i Siquem tô tábbé dan na si Dina.

Genesis 34:15

Asal ka patupu tô langun yu na mga gamama iring áknami,