Genesis 33:5 - Kagi Ka Manama

⁵ Tô igkita si Esau katô mga gabayi asta mga gabatà, iginsà sikandin, na mà din, “Sadan ni mga kadumaan nu?” Igtaba si Jacob, na mà din, “Ni gó tô mga gabatà na igbággé katô Manama kanak ukit katô kédu din.”

Genesis 33:5 ပူးပေါင်းရင်းမြစ်များ

Genesis 48:9

Igtaba si Jose, na mà din, “Ámmà, ni gó tô duwa gabatà ku na igbággé ka Manama kanak kannun ta Ehipto.” Igkagi si Jacob, na mà din, “Papadani nu sikandan, su dumasalla ébô madigár tô bággén ka Manama kandan.”

Hebreo 2:13

Igkagi pagsik sikandin, “Manama tô sarigan ku.” Asta igkagi pagsik sikandin, “Kannunna gó asta tô mga gabatà ka Manama na igsarig din kanak.”

Genesis 30:2

Isókó si Jacob ki Raquel, asta igkagi sikandin, na mà din, “Ánnà a Manama! Sikandin tô ándà pabatà áknikó.”

Genesis 33:6

Igpadani tô duwa állang asta tô mga gabatà dan, asta iglingkóód dan tun ki Esau.