Genesis 33:4 - Kagi Ka Manama

⁴ Asal igpalaguy si Esau igsumar ki Jacob, igkápkáppan din tô adi din, asta igadákkan din. Igsággó tô duwa dan.

Genesis 33:4 ပူးပေါင်းရင်းမြစ်များ

Lucas 15:20

Purisu igpanó sikandin asta igulì tun ta ámmà din. “Agad madiyù pa sikandin tun ta balé, isállággan katô ámmà tô batà din, asta inéduwan tô ámmà kandin. Igpalaguy tô ámmà. Igsumar din tô batà din. Igkápkáppan asta igadákkan din.

Genesis 32:28

Igkagi tô manubù, na mà din, “Tikud áknganni, dì kad ngadanan ki Jacob, asal ngadanan kad ki Israel, su igpadumogé kó katô Manama asta katô mga manubù, asta igpanalu ka.”

Lumu 20:37

Igsággó dan, asta igkápkáp dan ki Pablo, asta igadák dan kandin.

Genesis 46:29

igsaké si Jose katô kalesa din, asta igsadun sikandin tun ta Gosen ébô sumumar katô ámmà din. Tô igdunggù dán sikandin, tigkô dád igkápkáppan din tô ámmà din, asta idugé sikandin igsággó.

Genesis 45:2

Su tuu igsággó si Jose, ikadinág tô mga taga Ehipto tun ta luwà katô balé, asta igulitan tô mga manubù tun ta balé katô harì.

Genesis 43:30

Na, masig dán pád ikasággó si Jose, su ágginawaan din tô adi din. Purisu sékót sikandin igsadun tun ta kuwarto din, asta igsággó sikandin.

Genesis 43:34

Igpabággé i Jose tô ágkakan tikud tun ta lamisa din tun ta mga kataladi din, asal makalima luppì tô ágkakan na igpabággé din tun ki Benjamin. Dakál tô iginám dan, asta idayawan dan.

Genesis 29:11

Igadák si Jacob ki Raquel asta igsággó tingód ka dayó din.

Genesis 29:13

Tô ikasóddór si Laban na igdunggù tô bataánnán din na si Jacob, igsékót sikandin igsumar. Igkápkáppan din si Jacob, asta igadákkan din. Igpid din si Jacob tun ta balé din. Igulit si Jacob ki Laban tingód katô langun na ilumu.

Genesis 32:11

Tabangiya gó ébô diya dadattan katô kaké ku na si Esau. Ágkamáddanganna agó matayan ké langun ikandin, asta mapánnas tô langun sawa ku asta mga gabatà ku.