Genesis 32:28 - Kagi Ka Manama

²⁸ Igkagi tô manubù, na mà din, “Tikud áknganni, dì kad ngadanan ki Jacob, asal ngadanan kad ki Israel, su igpadumogé kó katô Manama asta katô mga manubù, asta igpanalu ka.”

Genesis 32:28 ပူးပေါင်းရင်းမြစ်များ

Igpakita 2:17

Kailangan maminág kó ébô makagpát kó kani ágkagin katô Ugis Espiritu tun ta mga ágpampamaké. Tô mga makapanalu ka kadattan, tô gó tô bággayan ku katô mana na igtagù para kandan tun ta langit. Bággén ku kandan tô mapputì batu na igsulatan ka mantu ngadan. Tô bággayan ku kani, tô dád gó é makasóddór ka sadan ngadan tô igsulat dutun.’”

Genesis 35:10

Igkagi tô Manama, na mà din, “Ngadanan ka ki Jacob, asal tikud ni, dì ka ngadanan ki Jacob, su ngadanan kad ki Israel.” Purisu igngadanan katô Manama sikandin ki Israel.

Genesis 17:5

Tikud áknganni, dì kad ngadanan ki Abram, asal ngadanan kad ki Abraham su imun ku sikuna na kamónaan ka marapung mga grupo.

Genesis 17:15

Igkagi tô Manama ki Abraham, na mà din, “Tikud áknganni, dì dán mému si Sarai tô ngadan katô sawa nu. Kailangan ngadanan nu sikandin ki Sara.

Genesis 33:4

Asal igpalaguy si Esau igsumar ki Jacob, igkápkáppan din tô adi din, asta igadákkan din. Igsággó tô duwa dan.

Juan 1:42

Igpatákkás i Andres tô kaké din tun ki Jesus. Tô igkita si Jesus ki Simon, igkagi si Jesus, na mà din, “Sikuna si Simon na batà i Juan. Asal ngadanan ka ki Cefas.” (Magunawa tô kóbadan ka Cefas asta Pedro.)

Genesis 25:31

Igkagi si Jacob, na mà din, “Duwán bággén ku áknikó ka bággayanna ikuna katô ágpulusán na tanggapán nu ka maté tô ámmà ta, su sikuna tô tambang kaké batà din.”

Genesis 32:24

Si Jacob dád tô ándà talipag. Na, duwán manubù na igdunggù tun ki Jacob asta igpadumogé dan sippang ka sállám.

Genesis 31:24

Asal tô ándà dan pa ikasab kandin, igpakita tô Manama ki Laban ka dukilám ukit ka tagénáp, asta igkagi sikandin, na mà din, “Piyà-piyà ka gó. Yaka ágkagi ka madat ki Jacob.”

Genesis 33:20

Igimu i Jacob tô ággóbbówanan ka mannanap na ágbággén tun ta Manama, asta igngadanan din tô El Elohe Israel.

Genesis 32:27

Iginsà tô manubù, na mà din, “Sadan tô ngadan nu?” Igtaba si Jacob, na mà din, “Sakán si Jacob.”