Genesis 30:9 - Kagi Ka Manama

⁹ Na, tô ikapanámdám si Lea na ándà puman sikandin batà, igbággé din tô állang din na si Zilfa ki Jacob ébô mému na sawa din.

Genesis 30:9 ပူးပေါင်းရင်းမြစ်များ

Genesis 30:4

Purisu igbággé i Raquel tô állang din na si Bilha ki Jacob ébô imun na sawa din. Tô igpalayuké dan,

Genesis 30:17

Igpaminág ka Manama tô dasalán i Lea. Purisu igmabáddás sikandin, asta igpamasusu ka ikalima batà mama i Jacob.

Genesis 29:35

Igmabáddás puman si Lea, asta igpamasusu puman sikandin ka batà mama. Igkagi sikandin, na mà din, “Durungán kud tô Áglangngagán.” Purisu igngadanan din tô batà din ki Juda. Pángnga igpamasusu si Lea ki Juda, ándà pa puman sikandin batà.

Genesis 16:3

Purisu igbággé i Sarai tô állang din ki Abram ébô imun din na sawa din. (Inému ni pángnga igóddô si Abram tun ta Canaan ka sapulù ámmé.)

Genesis 30:8

Igkagi si Raquel, na mà din, “Sakán asta tô kaké ku, igpamatayé ké dángngan, asal áknganni italu kud sikandin.” Purisu igngadanan i Raquel tô batà ki Neftali.

Genesis 30:10

Igmabáddás si Zilfa, asta igpamasusu sikandin ka batà mama.

Genesis 29:24

(Igbággé i Laban ki Lea tô állang din bayi na si Zilfa ébô tumabang kandin.)

Genesis 46:18

Tô gó é mga gabatà gamama i Jacob na ipamasusu i Zilfa na állang na igbággé i Laban katô batà din na si Lea. Sapulù ánnám (16) tô mga rubbad i Jacob asta i Zilfa.