Genesis 30:4 - Kagi Ka Manama

⁴ Purisu igbággé i Raquel tô állang din na si Bilha ki Jacob ébô imun na sawa din. Tô igpalayuké dan,

Genesis 30:4 ပူးပေါင်းရင်းမြစ်များ

Genesis 35:22

Róggun igóddô si Jacob tun ta Eder, iglayukan i Ruben tô sábbad sawa katô ámmà din na si Bilha, asta igdinág si Jacob tingód katô iglumu din. Sapulù duwa (12) tô mga gabatà gamama i Jacob.

Genesis 33:2

Igpóna din tô duwa állang asta tô mga gabatà dan, igpatalundug din si Lea asta tô mga gabatà din, asta igpatapuri din si Raquel asta si Jose.

Genesis 25:6

Asal tô ándà pa kamaté si Abraham, duwán igbággé din tun ta mga gabatà katô duma mga sawa din. Igpapanó din sikandan igsadun tun ta silatan ébô makapadiyù dan tun ta batà din na si Isaac.

Genesis 25:1

Na, igkalyag puman si Abraham katô bayi na igngadanan ki Ketura.

Genesis 22:24

Igngadanan ki Roma tô ikaduwa sawa i Nahor. Ipamasusu tun kandin si Teba, si Gaam, si Taas, asta si Maaca.

Genesis 21:10

igkagi sikandin ki Abraham, na mà din, “Péwà nu tô állang nu asta tô batà din, su atin dumunggù tô álló na maté ka, dì mému kabággayan tô batà ka állang katô tángngà katô kaduwánnan nu, su bággén tô langun tun ta batà nu na si Isaac.”

Genesis 16:2

Purisu igkagi si Sarai ki Abram, na mà din, “Ándà batà na igbággé katô Áglangngagán kanak. Purisu madigár ka lumayuk ka katô állang ku ébô duwán batà ku ukit kandin.” Ignunug si Abram katô igkagi i Sarai.

Genesis 30:5

igmabáddás si Bilha, asta igpamasusu sikandin ka batà mama.

Genesis 29:29

(Igbággé i Laban ki Raquel tô állang din bayi na si Bilha ébô tumabang kandin.)

Genesis 46:25

Tô gó é mga gabatà gamama i Jacob na ipamasusu i Bilha na állang na igbággé i Laban katô batà din na si Raquel. Pittu tô mga rubbad i Jacob asta i Bilha.