Genesis 30:20 - Kagi Ka Manama

²⁰ Igkagi si Lea, na mà din, “Tuu madigár tô igbággé katô Manama kanak. Purisu pabantugánna basì katô duma ku, su ánnám dán tô gabatà din gamama na igpamasusu ku.” Purisu igngadanan i Lea tô batà din ki Zabulon.

Genesis 30:20 ပူးပေါင်းရင်းမြစ်များ

Mateo 4:13

Ándà sikandin óddô tun ta lunsud ka Nazaret, asal igallus sikandin tun ta lunsud ka Capernaum tun ta ligad ka ranó na dadan tun ta tanà ka mga rubbad i Zabulon asta mga rubbad i Neftali.

Genesis 49:13

“Si Zabulon tô móddô madani tun ta dagat. Angklaan tô mga barko tun ta góddóan din. Makatigatun sikandin katô tanà sippang tun ta Sidon.

Genesis 35:23

Tô mga gabatà din gamama na ipamasusu ki Lea, tô gó si Ruben na tambang kaké batà i Jacob, si Simeon, si Levi, si Juda, si Isacar, asta si Zabulon.

Genesis 46:14

Si Zabulon asta tô mga gabatà din gamama na si Sered, si Elon, asta si Jaleel.

Genesis 30:15

Igkagi si Lea, na mà din, “Igagó nu gó tô duma ku. Agón nud puman tô mga mandragora na igpid katô batà ku?” Igkagi si Raquel, na mà din, “Na, bággé nu kanak tô mga mandragora, asta sikuna tô palayukan ku ki Jacob kani ka dukilám.”

Genesis 29:34

Igmabáddás puman si Lea, asta igpamasusu puman sikandin ka batà mama. Igkagi sikandin, na mà din, “Ginawaannad basì katô duma ku, su igpamasusuwad kani tállu gabatà din gamama.” Purisu igngadanan din tô batà din ki Levi.

Genesis 30:19

Igmabáddás puman si Lea, asta igpamasusu sikandin ka ikannám batà mama i Jacob.

Genesis 30:21

Igpamasusu pagsik si Lea ka batà bayi, asta igngadanan din tô batà ki Dina.

Genesis 34:12

Ulitiya ikiyu ka ándin tô sablag na bággén ku, su agad ándin tô pamuyuán yu, bággén ku ákniyu ébô mému sikandin na sawa ku.”