Genesis 3:20 - Kagi Ka Manama

²⁰ Igngadanan i Adan tô sawa din na si Eva, su sikandin tô mému na innà katô langun ka manté mga manubù.

Genesis 3:20 ပူးပေါင်းရင်းမြစ်များ

Mateo 1:23

“Na, kumabáddás tô sábbad bayi na ándà pa kalayuki, asta mapamasusu tô batà mama na ngadanan ki Emmanuel.” (Tô kóbadan, “Tô Manama igduma áknita.”)

Genesis 2:23

Igkagi tô mama, na mà din, “Na, duwán dán gó! Tikud tun ta tullan ku tô kandin tullan, asta tikud tun ta ákkud ku tô kandin ákkud. Ngadanan ku sikandin na bayi, su igkangé sikandin tikud tun ta mama.”

Genesis 5:29

Igkagi sikandin, na mà din, “Ni gó tô manubù na papaginawa áknita tikud tun ta kahirapan ka lumu ta nit tanà tingód katô supak katô Áglangngagán.” Purisu igngadanan din tô batà din ki Noe.

Genesis 2:20

Purisu igngadanan katô manubù tô langun mannanap ka kappawaan, mga manuk, asta mga mannanap ka kabánnássan, asal tun kandan ándà palang nángngà para kandin.

Lumu 17:26

Igimu ka Manama tô sábbad manubù na si Adan, asta sikandin tô kamónaan katô langun manubù na góddô nit kaluwagan kani banuwa. Taganà igplano ka Manama tô kadugéyan katô ágpid asta katô ágsippangán katô tagsábbad-sábbad mga banuwa na góddóan dan.

Mateo 1:21

Duwán batà mama na pamasusun din, asta ngadanan nu tô batà ki Jesus, su sikandin tô tumábbus katô kandin mga manubù tikud tun ta salà.”

Exodo 2:10

Tô dakál dán puri tô batà, igpid katô innà din tun ta prinsesa, asta igimu katô prinsesa na kandin sarili batà. Igkagi sikandin, na mà din, “Igkangé ku sikandin tikud tun ta wayig.” Purisu igngadanan din tô batà ki Moises.

Genesis 35:18

Ibugtus tô ginawa din asta inaté sikandin. Tô ándà pa sikandin kamaté, igngadanan din tô batà din ki Benoni. Asal igngadanan i Jacob tô batà ki Benjamin.

Genesis 16:11

Duwán batà mama na pamasusun nu, asta ngadanan nu sikandin ki Ismael, su igpaminág katô Áglangngagán tô ranginán nu.

2 Corinto 11:3

Asal ágkamáddanganna agó mapid kó, iring ki Eva na inapid katô bulalón na áppuy. Ágkamáddanganna agó tananan yu tô bánnal ginawa yu tun ki Cristo.

1 Timoteo 2:13

su si Adan tô una igimu ka Manama, asta si Eva tô ikatalundug na igimu din.

Genesis 3:21

Duwán mga umpak na igimu katô Áglangngagán na Manama tikud tun ta kindal ka mga mannanap, asta igbággé din ki Adan asta katô sawa din.