Genesis 28:20 - Kagi Ka Manama

²⁰ Igtandô si Jacob katô Manama, na mà din, “Atin dumuma ka asta ágbanté ka kanak tun ta panawan ku, asta mággé ka kanak ka ágkakan asta umpakán

Genesis 28:20 ပူးပေါင်းရင်းမြစ်များ

1 Timoteo 6:8

Purisu ka duwán dán ágkakan ta asta gumpakán ta, kailangan kanángngaan kid.

Juan 1:16

Dakál tô kédu i Jesus áknita, asta ándà ágtamanán katô kédu din.

Genesis 31:13

Sakán tô Manama na igpakita áknikó dángngan tun ta Betel. Igimu nu tô kasampáttan batu na igbusbusan nu ka langis, asta igpasakup ka kanak. Na, panó kad! Ulì kad tun ta igpamasusuwan áknikó.’”

Lumu 18:18

Na, idugé pa si Pablo igóddô tun ta mga ágpampamaké tun ta Corinto. Na, tô igsadun si Pablo tun ta Cencrea, igtákkás si Aquilas asta tô sawa din na si Priscila. Dutun igpaburu si Pablo, su tô gó tô pató na ituman din dán tô tandô din tun ta Manama. Na, igsabi dan tun ta mga kataladi asta igsaké dan katô barko na igsadun tun ta probinsya ka Siria.

Genesis 28:15

Na, dumuma a gó áknikó, asta dóppónan ku gó sikuna agad ánda é sadunan nu. Sakán tô pólì áknikó nit tanà ni, su inalayunna dumuma áknikó sippang ka tumanán ku tô langun katô igtandô ku áknikó.”

Genesis 35:3

Madun kid tun ta Betel, asta imun ku tô ággóbbówanan katô mga mannanap ébô mangadappa katô Manama. Tô idungguanna ka kahirapan dángngan, igtabanganna ikandin, asta inalayunna ágtákkássan agad ánda tô igsadunan ku.”