Genesis 2:25 - Kagi Ka Manama

²⁵ Agad iglawa-lawa tô mama asta tô bayi, asal ándà dan payyaé.

Genesis 2:25 ပူးပေါင်းရင်းမြစ်များ

Genesis 3:7

Tô ikakan dan dán, duwán dán kagpáttan dan, asta isóddóran dan na iglawa-lawa dan. Purisu igkangé dan tô mga daun ka kayu igera asta igimu dan na pagtambun katô lawa dan.

Roma 10:11

Mà katô kagi ka Manama na igsulat i Isaias tingód ki Cristo, na mà din, “Atin ka mamaké tô manubù kandin, dì gó sikandin kayyaan.”

Lucas 9:26

Atin ka ágkayyaan tô manubù tingód kanak asta tingód katô igtinurù ku, kayyaanna tingód kandin tun ta álló ka lumónódda na Igpamanubù na duwán séllaán ku, asta séllaán katô Ámmà ku asta mga panaligan din.

Marcos 8:38

Atin ka ágkayyaan tô manubù tingód kanak asta tingód katô igtinurù ku tun ta tubang katô mga manubù áknganni na masalà-salà asta ágtayyug ka Manama, kayyaanna pagsik tingód kandin tun ta álló ka lumónódda na Igpamanubù na duwán séllaán katô Ámmà ku, asta tákkássanna ka mga panaligan ka Manama.”