Filipos 2:10 - Kagi Ka Manama

¹⁰ ébô ka dinággán tô ngadan i Jesus, lumingkóód asta pabantug kandin tô langun, agad tun ta langit, ó nit tanà, ó tun ta siráb kani tanà,

Filipos 2:10 ပူးပေါင်းရင်းမြစ်များ

Mateo 28:18

Igpadani si Jesus tun kandan, asta igkagi sikandin, na mà din, “Igpapanguluwad katô langun tun ta langit asta dini ta banuwa.

Hebreo 1:6

Tô masig dán pasadunán ka Manama tô Batà din nit banuwa ébô imun sikandin na panganayan batà tun ta mga ágpampamaké, igkagi pagsik tô Manama, na mà din, “Kailangan pangadapán sikandin katô langun panaligan ku.”

Efeso 3:14

Atin ka ágpanámdámma tingód katô madigár plano katô Manama áknita, áglingkóódda asta ágdasalla tun ta Ámmà Manama.

Igpakita 4:10

Atin ka ágkanta dan, áglingkóód tô duwa pulù áppat (24) mga ágpangulun tun ta saruwan ka Manama na gunsad tun ta gunsadanan ka pangulu. Ágpangadapán dan sikandin na manté sippang ka ándà ágtamanán. Ágsánnarán dan tô mga korona dan tun ta saruwan din. Ágkanta sikandan, na mà dan,

Efeso 1:10

Ni gó tô igplano din. Ka dumunggù dán tô nángngà álló, pasábbadán din tô langun-langun na igimu din, agad tun ta langit ó nit banuwa, asta pasakupán din tun ta pagpangulu i Cristo.

Mateo 27:29

Igpákkù dan tô dugin balagán, asta tô gó é igkorona dan tun ta ulu din. Duwán iring na balakayu na igpawidan dan kandin iring na tukád ka harì. Iglingkóód dan asta mà kagi ágtanggap dan ka harì. Igkagi sikandan, na mà dan, “Durungán ka na Harì ka mga Judio!”

Igpakita 20:13

Igluwà tô mga inaté tikud tun ta dagat, tikud tun ta tanà, asta tikud tun ta Hades. Igruudan tô langun dan tingód katô linumuwan dan.

Efeso 4:9

(Na, ukit kani kagi na, “Tô igsadun sikandin tun datas,” isóddóran ta na iguna pa sikandin igsunnad nit banuwa.

Roma 11:4

Yakó yu ágkalingawi ni igtaba katô Manama kandin, na mà din, “Ágtómmóngan ku tô pittu mararan (7,000) mga gamama na ándà pangadap katô ágmanaman na ágngadanan Baal.”

Mateo 12:40

Su itálluwan si Jonas tun ta dalám ka gátták katô dakál sáddà, sakán pagsik na Igpamanubù, katálluwanna tun ta dalám ka tanà.

Genesis 41:43

Igpasaké din si Jose tun ta ikaduwa kalesa din, asta duwán mga manubù na igpóna din ki Jose ébô tumawar dan, na mà dan, “Lingkóód kó!” Tô gó inému si Jose gobernador tun ta kaluwagan ka Ehipto.

Igpakita 5:3

Agad tun ta langit, tun ta bówwó ka banuwa, asta tun ta siráb ka tanà, ándà palang ikita na makabákka asta makabasa kani papel.