Exodo 18:3 - Kagi Ka Manama

³ Igpid pagsik i Jetro tô duwa gabatà i Moises. Si Gerson tô ngadan katô tambang kaké batà din, su tô ipamasusu sikandin, igkagi si Moises, na mà din, “Ánnà a taga kannun.”

Exodo 18:3 ပူးပေါင်းရင်းမြစ်များ

Exodo 2:22

Na, igbatà si Sefora ka mama, asta igngadanan i Moises tô batà din ki Gerson, su mà din, “Ánnà a tigbanuwa kannun.”

Lumu 7:29

Tô igdinág si Moises katô igkagi din, igpalaguy sikandin tun ta Midian na madiyù banuwa. Igóddô sikandin dutun, igkalyag sikandin, asta dutun imanubù tô duwa gabatà din gamama.

Hebreo 11:13

Tô langun dan na igpamaké ka Manama, tô inaté sikandan, ándà dan pa katanggap tô igtandô ka Manama. Agad madugé pa tô katumanan, asal iring na igkita dan asta idayawan dan. Igpasóddór dan na ánnà nit banuwa tô góddóan dan na ándà ágtamanán.

Exodo 4:20

Purisu igpid i Moises tô sawa din asta tô mga gabatà din gamama, asta igpasaké din tun ta asno. Igsadun dan tun ta Ehipto. Igpid din tô tukád na igpapid ka Manama kandin.

1 Pedro 2:11

Na, mga ágginawaan ku, iring kó na ágróggun dád nit mga banuwa na góddóan yu. Purisu ágpédu-éduwa ákniyu na kailangan liliyan yu tô mga ágkadigárran katô lawa yu na ágdadat katô espiritu yu.