Exodo 15:6 - Kagi Ka Manama

⁶ Áglangngagán, tuu madigár tô katulusan nu. Ágrupákkán nu tô mga usig nu.

Exodo 15:6 ပူးပေါင်းရင်းမြစ်များ

Igpakita 2:27

iring katô kapapid katô Ámmà ku kanak ébô manguluwa katô mga banuwa. Mangulu kó katô mga manubù tun ta langun banuwa, iring na tukád putó. Mému dan iring na tibud na ipássà, su talun yu sikandan.

Mateo 6:13

Yaka ágpókit áknami tun ta pagtintal, asal papadiyù ké tikud tun ki Maibuyan.’

Exodo 15:11

Áglangngagán, ándà palang mga ágmanaman na magunawa áknikó! Ándà palang ugis na tuu madigár iring áknikó! Ándà palang ássa na duwán katulusan na ágkasalábbuan!

Exodo 3:20

Purisu gamitán ku tô katulusan ku, asta supakan ku tô mga taga Ehipto ukit katô mga kasalábbuan na lumun ku. Ukit katô lumun ku, papanón din sikiyu ébô miwà kó.

Exodo 6:1

Asal igkagi tô Áglangngagán ki Moises, na mà din, “Dì madugé, kitanán nu tô lumun ku katô harì ka Ehipto. Atin kinnaman din tô katulusan ku, péwaán din tô mga sakup ku, asta piritán din gó sikandan ébô malaguy dan tikud tun ta banuwa din.”

Exodo 15:12

Iggamit nu tô bállad nu, asta iglámmád katô tanà tô mga usig dé.

Exodo 15:16

Imáddangan asta igkállas dan. Áglangngagán, su igkita dan tô matulus áglumun nu, igtagnáp dan iring na batu, sippang ka iglabé tô mga sakup nu, sippang ka iglabé tô mga manubù na igtábbus nu.

Exodo 18:8

Igulitan i Moises sikandin tingód katô langun ka iglumu katô Áglangngagán katô harì ka Ehipto asta mga sakup din ébô tabangan tô mga rubbad i Israel. Igulitan din tingód ka mga kahirapan na inókitan dan tun ta dalan, asta tingód katô kapéwà katô Áglangngagán kandan.