Exodo 15:13 - Kagi Ka Manama

¹³ Ukit katô ginawa nu na ándà ágtamanán, igpid nu tô mga manubù na igtábbus nu. Ukit katô bákkár nu, igagak nu sikandan tun ta ugis góddóan nu.

Exodo 15:13 ပူးပေါင်းရင်းမြစ်များ

1 Pedro 1:5

Ukit katô katulusan ka Manama, ágtómmóngan kó ikandin sippang ka tanggapán yu tô katábbusan tun ta tapuri álló ukit katô kapamaké yu kandin.

Efeso 2:4

Asal dakál gó tô kédu katô Manama áknita, asta dakál gó tô ginawa din áknita.

Genesis 19:16

Agad igbaring-baring si Lot, asal inéduwan tô Áglangngagán kandan. Purisu igawidan katô duwa panaligan tô bállad i Lot, tô sawa din, asta tô duwa gabatà dan, asta igpid dan tun ta luwà katô lunsud.

Exodo 6:6

Purisu ulit nu ni kagi ku tun ta mga rubbad i Israel, ‘Sakán tô Áglangngagán. Péwaán ku sikiyu tikud tun ta kallang ákniyu tun ta Ehipto. Ukit katô katulusan ku padungguan ku sikandan katô supak na makamáddang, asta tábbusán ku sikiyu.

Exodo 15:16

Imáddangan asta igkállas dan. Áglangngagán, su igkita dan tô matulus áglumun nu, igtagnáp dan iring na batu, sippang ka iglabé tô mga sakup nu, sippang ka iglabé tô mga manubù na igtábbus nu.

Exodo 15:17

Piddán nu sikandan asta póddóán nu tun ta pabungan na igsalin nu. Tô gó tô lugar na igimu nu na góddóan nu, Áglangngagán, tun ta templo na igimu nu.

Exodo 20:2

“Sakán tô Áglangngagán na Manama yu. Igpaluwà a ákniyu tikud tun ta kallang ákniyu tun ta banuwa ka Ehipto.