Exodo 14:28 - Kagi Ka Manama

²⁸ Iglónód tô dagat, asta itambunan tô mga kalesa, tô mga ágsaké kani, asta tô langun sundalo katô harì na iglupug kandan sippang tun ta dagat. Ándà gó palang sábbad na isamà.

Exodo 14:28 ပူးပေါင်းရင်းမြစ်များ

Hebreo 11:29

Ukit ka kapamaké dan ka Manama, ikatalipag dan tun ta Dagat Mallutù asta igpanó dan tun ta matákkang tanà. Asal tô mga taga Ehipto na iglupug kandan, tô igkinnam dan na ágtalipag, ilánnád tô langun asta inaté.

Exodo 15:10

Asal igidup nu sikandan, asta itambunan dan ka dagat. Ilánnád dan tun ta kadalámman katô dagat iring na timággà.

Exodo 14:13

Igkagi si Moises katô mga manubù, na mà din, “Yakó ágkamáddangan! Pasarig yu tô panámdám yu, asta sállág yu tô lumun katô Áglangngagán ni álló ni ébô paluwaán kó ikandin. Tô mga taga Ehipto na ágkitanán yu, dì yud gó kitanán puman.

Exodo 15:19

Tô gó tô igkanta dan su igukit tô mga rubbad i Israel katô dagat tun ta matákkang tanà. Asal igpalónódan katô Áglangngagán ka dagat tô langun kudà katô harì ka Ehipto, tô mga kalesa asta tô mga sundalo na igsaké na iglupug kandan tun ta tángngaan ka dagat, asta ilánnád dan langun.

Genesis 7:18

Inalayun igmadalám tô wayig tun ta banuwa, asta igkapó-kapó tô arka tun ta bówwó ka wayig.

Genesis 50:9

Igtákkás pagsik tô mga manubù na igsaké ka mga kalesa asta mga kudà. Tuu marapung tô mga manubù na igsadun tun ta Canaan.