Exodo 14:18 - Kagi Ka Manama

¹⁸ Kasóddóran katô langun taga Ehipto na sakán tô Áglangngagán ukit ka igtalu ku tô harì dan, tô mga sundalo din na ágsaké ka mga kalesa, asta tô mga ágsaké ka mga kudà.”

Exodo 14:18 ပူးပေါင်းရင်းမြစ်များ

Exodo 7:5

Atin ka pakitanán ku tô katulusan ku tun ta mga taga Ehipto, asta piddán ku tô mga rubbad i Israel tikud tun ta banuwa dan, kasóddóran dan na sakán tô Áglangngagán.”

Exodo 14:4

Patággasán ku tô ulu ka harì, asta agtaán kó ikandin. Purisu pabantugánna ukit katô kapanaluwan ku katô harì asta katô mga sundalo din. Kasóddóran katô mga taga Ehipto na sakán tô Áglangngagán.” Igbánnal katô mga rubbad i Israel tô igsugù ka Manama kandan.

Exodo 7:17

Na, igkagi katô Áglangngagán na duwán gó lumun din ébô kasóddóran nu na sikandin gó tô Áglangngagán. Gamitán ku ni tukád ku asta lagpássán ku ni Wayig ka Nilo ébô mému na dipanug.

Exodo 14:25

Ikasanggat tô mga ligid katô mga kalesa, asta ágkatággasan dan ágpapalaguy. Igpapagayisé tô mga taga Ehipto, na mà dan, “Miwà kid tikud kannun, su igdapit tô Áglangngagán kandan asta dì ki manalu kandan.”

Exodo 6:7

Imun ku sikiyu na kanak mga manubù, asta mémuwa na Manama yu. Atin ka paluwaán ku sikiyu tikud tun ta kallang ákniyu tun ta Ehipto, kasóddóran yu na sakán tô Áglangngagán na Manama yu.

Exodo 10:2

Atin ka matugál kód, kólitan yu tô mga gabatà yu asta tô mga apù yu tingód katô mga kasalábbuan na gimun ku ukit ka supak ku katô mga taga Ehipto ébô makasóddór kó langun na sakán gó tô Áglangngagán.”