Exodo 14:17 - Kagi Ka Manama

¹⁷ Patággasán ku tô ulu ka mga taga Ehipto ébô lupugán dan tô mga rubbad i Israel. Ukit kani, pabantugánna ukit katô kapanaluwan ku katô harì ka Ehipto asta tô langun sundalo din, agad tô mga igsaké ka kalesa asta tô mga igsaké ka kudà.

Exodo 14:17 ပူးပေါင်းရင်းမြစ်များ

Exodo 14:8

Igpatággas katô Áglangngagán tô ulu ka harì, asta iglupug din tô mga rubbad i Israel na igiwà ukit katô kadóppón katô Áglangngagán kandan.

Exodo 14:4

Patággasán ku tô ulu ka harì, asta agtaán kó ikandin. Purisu pabantugánna ukit katô kapanaluwan ku katô harì asta katô mga sundalo din. Kasóddóran katô mga taga Ehipto na sakán tô Áglangngagán.” Igbánnal katô mga rubbad i Israel tô igsugù ka Manama kandan.

Exodo 7:3

Asal patággasán ku tô ulu ka harì. Agad imun ku tô marapung mga kasalábbuan tun ta Ehipto,

Exodo 4:23

Igkagiyan ku sikuna na kailangan péwaán nu tô batà ku ébô mangadap sikandin kanak. Asal su igéllé ka, matayan ku tô tambang kaké batà nu mama.’”

Genesis 9:9

“Mimuwa ka kasabotan tun ákniyu asta tun ta mga rubbad yu,

Genesis 6:17

“Palunupan ku ni tanà ka wayig ébô mapánnas tô langun áglaginawa. Maté tô langun nit banuwa.

Roma 9:18

Purisu isóddóran ta na ágkéduwan tô Manama katô mga manubù ukit katô kandin kakalyag, asta patággasán din tô ulu katô mga manubù ukit katô kandin kakalyag.

Exodo 14:23

Iglupug tô mga taga Ehipto, agad tô langun sundalo na igsaké katô mga kalesa dan. Igitur dan katô igukitan katô mga rubbad i Israel tun ta tángngaan katô dagat.

Genesis 50:9

Igtákkás pagsik tô mga manubù na igsaké ka mga kalesa asta mga kudà. Tuu marapung tô mga manubù na igsadun tun ta Canaan.

Exodo 4:21

Igkagi tô Áglangngagán ki Moises, na mà din, “Atin ka dumunggù kad tun ta Ehipto, imu nu gó tô mga kasalábbuan tun ta tubang katô harì ukit katô katulusan na igbággé ku áknikó. Asal patággasán ku tô ulu din ébô dì din péwaán tô mga rubbad i Israel.