Exodo 14:16 - Kagi Ka Manama

¹⁶ Tayó nu tô tukád nu asta táddù nu tun ta dagat, asta matángngà tô dagat ébô makapanó tô mga rubbad i Israel tun ta matákkang tanà.

Exodo 14:16 ပူးပေါင်းရင်းမြစ်များ

Exodo 7:19

Na igkagi tô Áglangngagán ki Moises, na mà din, “Kagiyi nu si Aaron ébô tádduán din ka tukád tô langun wayig na garus tun ta Ehipto, agad tô tun ta mga kanal, tô tun ta mga basakán, asta tô tun ta mga lino. Mému dipanug tô wayig tun ta kaluwagan ka Ehipto, agad tô tun ta mga ágtaguanan na igimu ka kayu ó igimu ka batu.”

Exodo 14:26

Igkagi tô Áglangngagán ki Moises, na mà din, “Táddù nu puman yan bállad nu tun ta dagat ébô lumónód tô dagat asta katambunan tô mga taga Ehipto.”

Exodo 4:20

Purisu igpid i Moises tô sawa din asta tô mga gabatà din gamama, asta igpasaké din tun ta asno. Igsadun dan tun ta Ehipto. Igpid din tô tukád na igpapid ka Manama kandin.

Exodo 4:17

Pid nu yan tukád nu, su yan gó tô gamitán nu ébô imun nu tô mga kasalábbuan.”

Exodo 4:2

Igkagi tô Áglangngagán, na mà din, “Ándin yan gawidan nu?” Igtaba si Moises, na mà din, “Tukád ku.”

Exodo 7:9

“Kumagi tô harì ka Ehipto ákniyu na kailangan duwán kasalábbuan na imun yu ébô kasóddóran din na igpapid kó ka Manama. Purisu kagiyi nu si Aaron na dabuán din tô tukád din tun ta tanà na tubang katô harì ébô mému na áppuy.”

Exodo 14:15

Igkagi tô Áglangngagán ki Moises, na mà din, “Manan ka ágrangin ka kanak? Kagiyi nu tô mga rubbad i Israel na kailangan manayun dan tun tóna.

Exodo 17:5

Igkagi tô Áglangngagán ki Moises, na mà din, “Pid nu tô tukád nu na iglagpás nu katô Wayig ka Nilo. Limud nu tô mga ágpangulun katô mga rubbad i Israel, asta sadun ka tun tóna kandan.

Exodo 17:6

Mangatta ákniyu tun ta dakál batu tun ta Sinai. Lagpás nu tô batu, asta marus tô wayig ébô duwán ginámman katô mga manubù.” Igbánnal i Moises tô igsugù kandin róggun ágsállág tô mga ágpangulun ka mga rubbad i Israel.