Exodo 12:50 - Kagi Ka Manama

⁵⁰ Purisu igbánnal katô langun rubbad i Israel tô igsugù katô Áglangngagán ki Moises asta ki Aaron.

Exodo 12:50 ပူးပေါင်းရင်းမြစ်များ

Igpakita 22:15

Asal dì makahu tun ta lunsud tô mga áglumu katô makayayyà, tô mga ágsalamangka, tô áglayuk katô ánnà kandan sawa ó duma, tô mga taramaté, tô ágpangadap ka mga ágmanaman, asta langun bulalón.

Juan 15:14

Atin ka tumuman kó katô mga sugù ku ákniyu, mga rarak ku sikiyu.

Juan 13:17

Atin ka kagpáttan yu tô igtinurù ku ákniyu, kadayawan kó ka tumanán yu.

Juan 2:5

Igkagi tô innà din katô mga ágsuguánnán, na mà din, “Agad ándin tô kagin din ákniyu, lumu yu.”

Mateo 28:20

Tinurui yu sikandan na kailangan tumuman dan katô langun igkagi ku ákniyu. Yakó yu ágkalingawi na inalayunna dumuma ákniyu sippang tun ta ágtamanán kani banuwa.”

Exodo 12:41

Tun ta tapuri gó álló katô áppat gatus tállu pulù (430) ámmé, igiwà tô mga sakup katô Áglangngagán tikud tun ta Ehipto.

Exodo 7:4

asal dì sikandin maminág áknikó. Purisu ukit katô katulusan ku, supakan ku tô mga taga Ehipto ukit ka marapung mga supak, asta sakán tô mid katô langun sakup ku tikud tun ta Ehipto.

Exodo 6:26

Iglista tô ngadan i Moises asta i Aaron apil katô duma mga rubbad i Jacob. Sikandan tô igkagiyan katô Áglangngagán, na mà din, “Sikiyu tô mid katô mga rubbad i Israel tikud tun ta Ehipto.”

Hebreo 11:27

Ukit ka kapamaké din ka Manama, igpanó sikandin tikud tun ta Ehipto. Ándà máddang din katô sókó katô harì. Igpabákkár sikandin su iring na ágkitanán din tô Manama na dì ágkakita.

Exodo 12:49

Tô gó tô ágkémun na kailangan ágtumanán katô mga rubbad i Israel, asta tô ánnà mga rubbad i Israel na góddô tun ákniyu.”

Exodo 12:51

Tô gó tô álló na igpid katô Áglangngagán tô mga rubbad i Israel tikud tun ta banuwa ka Ehipto. Igpaglimud din sikandan tun ta tagsábbad-sábbad pamilya dan.