Exodo 12:28 - Kagi Ka Manama

²⁸ Igpampanó dan, asta igbánnal dan tô igsugù katô Áglangngagán ki Moises asta ki Aaron.

Exodo 12:28 ပူးပေါင်းရင်းမြစ်များ

Hebreo 11:28

Ukit ka kapamaké i Moises ka Manama, igkagi sikandin na kailangan matayan dan tô karnero asta pólétán tô dipanug tun ta sállat ka balé dan ébô dì matayan tô tambang kaké katô mga gabatà ka Hebreo ka papiddán ka Manama tô Panaligan na Ágmaté.

Exodo 12:27

kagiyi yu sikandan na ni gó tô sugù tingód katô kalabé katô Áglangngagán, su iglabéyan din tô mga balé na góddóan katô mga rubbad i Israel tun ta Ehipto. Agad igmatayan din tô mga taga Ehipto, asal ándà ki ikandin matayi.” Na, tô igpaminág dan ni igkagi i Moises kandan, iglingkóód tô langun dan, asta igpangadap dan tun ta Áglangngagán.

Exodo 12:29

Tun ta tángngà ka dukilám, igmatayan katô Áglangngagán tô langun tambang kaké gabatà gamama tun ta kaluwagan ka Ehipto, agad tô tambang kaké batà mama katô harì na sumui kandin, agad tô mga tambang kaké gabatà gamama katô mga igpriso. Igmatayan din tô tambang kaké mama katô mga mannanap.

Exodo 7:6

Purisu igbánnal si Moises asta si Aaron katô igsugù ka Áglangngagán kandan.

Exodo 7:10

Na, igsadun si Moises asta si Aaron tun ta harì, asta igimu dan tô kasalábbuan na igsugù katô Áglangngagán kandan. Igdabù i Aaron tô tukád din tun ta tanà na tubang katô harì asta mga opisyales din, asta inému na áppuy.

Exodo 12:35

Igbánnal katô mga rubbad i Israel tô igkagi i Moises kandan, asta igpamuyù dan tô mga salagbat, tô mga paningsing, tô mga pangkis, tô bulawan mga arites, asta tô mga umpak tun ta mga simbalé dan na taga Ehipto.

Exodo 14:4

Patággasán ku tô ulu ka harì, asta agtaán kó ikandin. Purisu pabantugánna ukit katô kapanaluwan ku katô harì asta katô mga sundalo din. Kasóddóran katô mga taga Ehipto na sakán tô Áglangngagán.” Igbánnal katô mga rubbad i Israel tô igsugù ka Manama kandan.