2 Timoteo 2:23 - Kagi Ka Manama

²³ Yaka ágpaminág katô mga manubù na ágpapulé dád tingód katô ándà ágpulusán, su isóddóran nu na sumippang dan tun ta samuk.

2 Timoteo 2:23 ပူးပေါင်းရင်းမြစ်များ

2 Timoteo 2:14

Pasampát nu tô mga manubù tingód kani igsulat ku. Sapadi nu sikandan tun ta saruwan katô Áglangngagán na kailangan dì dan papulé tingód katô kóbadan katô mga kagi na ándà ágpulusán, su makadadat ka kapamaké katô mga ágpaminág.

Tito 3:9

Asal liliyi nu tô mga ágpapulé tingód katô ándà ágpulusán asta tingód katô mga ngadan ka kamónaan. Liliyi nu tô mga ágpasókówé asta tô mga ágpapulé tingód katô mga sugù, su ándà ágpulusán kani.

2 Timoteo 2:16

Liliyi nu tô tinóngkóan na ánnà kakalyag ka Manama, su tô gó é makapadiyù tikud tun ta kakalyag ka Manama.

1 Timoteo 4:7

Yaka ágpaminág katô mga igimu-imu gulitán na ánnà tikud tun ta Manama, su ándà ágpulusán. Asal pabákkár nu tô kabánnal nu katô kakalyag ka Manama.

1 Timoteo 1:4

Kagiyi nu sikandan na kailangan dì dan mánnal katô mga igimu-imu gulitán katô mga kamónaan asta katô ituran ka mga ngadan katô mga kamónaan na ándà ágpulusán, su sumippang dád tun ta mga insà na dì ágkataba. Ukit kani, dì katabangan tô katuman ta katô plano ka Manama, su matuman ni ukit dád katô kapamaké ta kandin.

Santiago 4:1

Manan ka ágpapulé asta ágpamatayé kó? Na, kagin ku ákniyu, tô gunayan kani su inapid kó katô ákniyu dád kakalyag. Purisu ágkasamuk tô panámdám yu.