2 Pedro 1:14 - Kagi Ka Manama

¹⁴ Isóddóran ku na masiggad maté, su igpasóddór ni kanak katô Áglangngagán ta na si Jesu-Cristo.

2 Pedro 1:14 ပူးပေါင်းရင်းမြစ်များ

2 Timoteo 4:6

Na, tô kantayan ku méring katô bino na ágbusbusán asta ágbággén tun ta Manama, su dì dán madugé tô álló na matayanna.

Lumu 20:25

Sippang áknganni, ágpanó-panówa ébô mulit-ulitta ákniyu tingód katô pagpangulu ka Manama. Asal panówad, asta dì kid pakitaé.

Juan 13:36

Na, iginsà si Simon Pedro, na mà din, “Áglangngagán, ánda é sadunan nu?” Igtaba si Jesus, na mà din, “Dì ka pa makatákkás kanak tun ta sadunan ku. Asal tumalundug ka kanak tun ta tapuri álló.”

2 Corinto 5:1

Isóddóran ta na iring na rákkó ni lawa ta na góddóan ta áknganni róggun kannun ki pa ta banuwa. Asal ka maté ki asta tananan ta ni lawa ta, isóddóran ta na duwán mantu lawa na óddóan ta tun ta langit sippang ka ándà ágtamanán. Ni mantu lawa ta dì imun ka manubù asal imun ka Manama para áknita.

2 Pedro 1:13

Na, igpanámdámma na madigár ka pabákkárrán ku sikiyu ukit katô kapasampát ku ákniyu tingód katô igtinurù ku ákniyu róggun mantéya pa.