1 Timoteo 5:18 - Kagi Ka Manama

¹⁸ su mà katô kagi ka Manama na igsulat, “Yakó ágpungus katô babbà ka baka na marik ka trigo ébô makakan.” Asta, “Tô manubù na áglumu kailangan tandanan.”

1 Timoteo 5:18 ပူးပေါင်းရင်းမြစ်များ

1 Corinto 9:14

Iring kanan, igkagi tô Áglangngagán na tô mga gulit-ulit ka Madigár Gulitán, kailangan tanggapán dan tô kailanganán dan tikud tun ta mga manubù na gulitan dan.

Lucas 10:7

Agad ándin tô pakannán dan ákniyu, tô dád gó é kannán yu asta inámmán yu, su tô manubù na áglumu kailangan tandanan. Yakó galin-alin tun ta duma balé, asal óddô kó tun ta sábbad dád balé.

Mateo 10:10

Yakó ágpid ka kabir, umpak na gilisan, sandalyas ó tukád, su tô manubù na áglumu kailangan bággayan katô ágkailanganán din.

Santiago 4:5

Yakó yu ágpanámdámmi na ándà ágpulusán katô kagi ka Manama na igsulat, “Tuu dakál tô kakalyag katô espiritu na igpóddô katô Manama dini áknita na ágkasarigan ki tun ta saruwan ka Manama.”

Roma 10:11

Mà katô kagi ka Manama na igsulat i Isaias tingód ki Cristo, na mà din, “Atin ka mamaké tô manubù kandin, dì gó sikandin kayyaan.”

Roma 9:17

Panámdám kó tingód katô igkagi ka Manama tun ta harì ka Ehipto sayyan, na mà din, “Ándà ku sikuna matayi ébô kitanán yu tô katulusan ku, asta ébô mabantugga tun ta kaluwagan ka banuwa.”

Galacia 3:8

Sayyan duwán igsulat tun ta kagi ka Manama na duwán mga ánnà Judio na tanggapán din na nángngà tun ta saruwan din ukit katô kapamaké dan kandin. Ni gó tô Madigár Gulitán na igulit ka Manama ki Abraham, na mà din, “Ukit áknikó, madigár tô bággén ku tun ta langun manubù nit banuwa.”

Roma 11:2

Ándà tayyugi ka Manama tô mga Judio na taganà din igsalin sayyan. Panámdám yu tô igsulat tun ta kagi ka Manama tingód katô propeta sayyan na si Elias. Tô igdasal sikandin tun ta Manama, igulit sikandin tingód katô madat na iglumu katô mga Judio, na mà din,

Roma 4:3

Isóddóran ta ni su mà katô kagi ka Manama na igsulat, “Igpamaké si Abraham katô Manama. Purisu igtanggap tô Manama ki Abraham na nángngà tun ta saruwan din.”