1 Timoteo 5:13 - Kagi Ka Manama

¹³ Tô mga gabayi balu na ánnà pa tugál, gulaan dan dád tô oras dan, asta ágpanumbalé dan. Tô tuu pa madat kani, ágpaséléké dan, gilabut dan katô duma mga manubù, asta ágkagin dan tô dì nángngà ágkagin.

1 Timoteo 5:13 ပူးပေါင်းရင်းမြစ်များ

Lumu 20:30

Duwán gó mga unawa yu na tuminurù ka ánnà bánnal ébô mákkás tô mga manubù kandan.

Tito 1:11

Asal kailangan sapadan nu tô katinurù dan, su marapung tô mga pamilya na ágsamukán dan ukit katô ágtinuruán dan na ánnà bánnal ébô kabággayan dan ka salapì.

Lumu 20:20

Ándà a kamáddangi katô igtinurù ku na makatabang ákniyu, agad tun ta ágkalimudanan asta tun ta tagsábbad-sábbad balé.

Lucas 10:7

Agad ándin tô pakannán dan ákniyu, tô dád gó é kannán yu asta inámmán yu, su tô manubù na áglumu kailangan tandanan. Yakó galin-alin tun ta duma balé, asal óddô kó tun ta sábbad dád balé.

3 Juan 1:10

Purisu ka dumunggù a diyan ákniyu, ulitán ku tô madat áglumun din. Madat tô mga ágkagin din na igimu-imu din ébô dumadat áknami. Asta ánnà nángngà yan, su dì din ágtanggapán tô mga kataladi na gukit diyan ákniyu, asta ágsapadan din pagsik tô mga tumanggap pád kandan ukit katô kapéwà din kandan tikud tun ta simbaan.

1 Pedro 4:15

Atin ka irrayatan kó, dì mému ka guné katô kamaté ka manubù, ó katakó, ó kalapas ka sugù, ó kélabut katô duma mga manubù.

Santiago 3:10

Purisu tikud tun ta sábbad dád babbà ágluwà tô madigár asta tô madat ágkagin ta. Mga kataladi ku, dì ni madigár áglumun.

1 Timoteo 5:12

Purisu buyasán dan su ándà dan tumani tô taganà tandô dan ki Cristo.