1 Timoteo 5:11 - Kagi Ka Manama

¹¹ Dì mému ka listan tô gabayi balu na ánnà tugál agó mapid dan katô madat kakalyag dan asta kumalyag dan puman.

1 Timoteo 5:11 ပူးပေါင်းရင်းမြစ်များ

1 Timoteo 5:14

Purisu tuu pa madigár ka kumalyag puman tô mga gabayi balu na ánnà pa tugál, asta matà dan, asta dóppónan dan tô kandan pamilya ébô dì dan buyasán katô mga usig ta na dì ágpamaké.

Santiago 5:5

Tuu kó ágkadayawan nit banuwa, asta iring kó na mannanap na iyón su igpalambù yu tô ákniyu sarili na igtaganà para katô álló na matayan asta supakan kó.

Igpakita 18:7

Agad igmánnu din tô kapadadurung din asta katuman din katô madat kakalyag din, asal tô sulì kandin tô kahirapan asta karanu. Igpanámdám sikandin na su rayna sikandin, dì gó maranu iring katô mga balu.

2 Pedro 2:18

su ágpadadurung dan ukit katô kagi dan na ándà ágpulusán. Ukit katô madat mga kakalyag ka lawa ágpiddán dan tô mga manubù na mantu pa igtanan katô mga áglumu ka madat.

1 Timoteo 5:9

Mému listan tô bayi balu ka kannámman (60) dán tô idad din, asta sábbad dád é duma din na inaté.

1 Timoteo 4:3

Tuminurù dan na dì mému ka kumalyag tô manubù. Tuminurù dan na duwán dì mému kannán. Asal dì nángngà tô tinuruán dan su igimu ka Manama tô ágkakan ébô tanggapán katô mga ágpamaké na ikasóddór katô kabánnalan asta ébô pasalamatan ta tun kandin.

1 Timoteo 5:12

Purisu buyasán dan su ándà dan tumani tô taganà tandô dan ki Cristo.

Igpakita 18:3

Ikataglang tô langun manubù tun ta bówwó ka tanà katô madat mga kakalyag din. Tô mga harì ka banuwa iglayuk kandin. Iduwánnan tô mga negosyante tun ta banuwa ukit katô madat mga kakalyag din.”

Igpakita 18:9

Atin ka kitanán tô ábbál tikud tun ta kagóbbó kandin, sumággó asta maranu tô mga harì na iglayuk kandin asta igpasábbad tun ta madat kakalyag din.