1 Corinto 9:25 - Kagi Ka Manama

²⁵ Tô langun ágtaganà para malaguy, kailangan pakapáttud dan gó ébô tanggapán dan tô korona ka kapanaluwan, agad tô korona dan igimu dád tikud ka mga daun na sékót ágkalanás. Asal sikita na mga ágpampamaké, pakapáttud ki ébô tanggapán ta tô ágpulusán na ándà ágtamanán.

1 Corinto 9:25 ပူးပေါင်းရင်းမြစ်များ

2 Timoteo 2:5

Iringi nu tô manubù na ágpatónaé ágpalaguy, su dì sikandin manalu asta dì bággayan katô ganti ka dì sikandin mánnal katô mga kapókit tingód ka kapalaguy.

Igpakita 2:10

Yakó ágkamáddangan katô kahirapan na masig dán dumunggù ákniyu. Duwán mga manubù tun ákniyu na paprison i Maibuyan ébô kinnaman ka bánnal kó ágsarig kanak. Kailangan irrayatan kó tun ta mabbabà timpo na mga sapulù (10) álló. Agad matayan kó, asal sarig kó kanak, su bággén ku ákniyu tô korona ka kantayan na ándà ágtamanán.

1 Timoteo 6:12

Tuman nu tô nángngà tingód katô kapamaké nu ki Cristo. Tanggap nu tô kantayan na ándà ágtamanán, su igtawar tô Manama áknikó ébô kabággayan ka katô kantayan, asta su igulit nu tun ta tubang katô marapung manubù na igpamaké kad katô kabánnalan.

Igpakita 3:11

Masiggad lumónód. Bantayi yu tô kasarig yu kanak ébô ándà makagó katô korona na bággén ku ákniyu ka makapanalu kó.

Santiago 1:12

Ágkadayawan tô mga manubù na pakatiis katô mga kahirapan. Su ka makatiis sikandan katô pagkinnam kandan, tanggapán dan tô pulusán na kantayan na ándà ágtamanán na igtandô ka Manama tun ta mga manubù na ágginawa kandin.

2 Pedro 1:6

asta tun ta kagpáttan dugang yu tô kapasunnad, asta tun ta kapasunnad dugang yu tô katiis katô kahirapan, asta tun ta katiis dugang yu tô madigár ágkémun tun ta saruwan ka Manama,

1 Pedro 5:4

Na, ka lumónód dán tô Pangulu katô mga taradóppón, makatanggap kó katô korona na ágséllà na dì mandà tô kadigárran.

1 Pedro 1:4

Igtaganà ka Manama tô bággén din áknita na mga gabatà din. Igtagù tun ta langit tô tanggapán ta na dì maróddóg, asta dì kadattan, asta dì mandà tô kadigárran.

Galacia 5:23

Médu-édu dan. Pakapáttud katô sarili dan. Atin ka tô gó tô áglumun ta, ándà palang sugù na lapasán ta.

Hebreo 12:28

Purisu kailangan pasalamat ki tun ta Manama su igsakup kid ikandin tun ta pagpangulu din tun ta langit na dì ágkéwà. Kailangan mangadap ki kandin magunawa katô kakalyag din na lumun ta, asta tuu ki rumespeto kandin,

Hebreo 12:4

Agad gusigán kó katô mga masalà-salà, ándà pa palang manubù tun ákniyu na igmatayan.

1 Corinto 15:54

Purisu ni lawa ta na ágkaróddóg kabullasan gó katô dì ágkaróddóg, asta ni lawa ta na maté kabullasan gó katô dì maté. Ka matuman dán ni, matuman tô igtandô ka Manama na igsulat, “Andaán ka Manama tô kamatayan su talun din tô langun-langun!”

Igpakita 4:10

Atin ka ágkanta dan, áglingkóód tô duwa pulù áppat (24) mga ágpangulun tun ta saruwan ka Manama na gunsad tun ta gunsadanan ka pangulu. Ágpangadapán dan sikandin na manté sippang ka ándà ágtamanán. Ágsánnarán dan tô mga korona dan tun ta saruwan din. Ágkanta sikandan, na mà dan,

Igpakita 4:4

Iglibutan tô gunsadanan katô duwa pulù áppat (24) mga gunsadanan, asta duwán duwa pulù áppat (24) mga ágpangulun na igunsad dutun. Mapputì tô umpak dan, asta itaguan tô ulu dan ka korona na bulawan.

Tito 1:8

Kailangan malit-alit sikandin katô duma mga manubù, asta kakalyag din na áglumu ka madigár. Kailangan matannáb, ágkasarigan, nángngà tun ta saruwan ka Manama, asta pasunnad katô kandin sarili.

Tito 2:2

Kagiyi nu tô mga tugál gamama na pasunnad dan, patannáb dan, patalláng dan, pasarig dan katô kapamaké, katô kaginawa dan, asta katô katiis dan ka karasayan.