1 Corinto 3:15 - Kagi Ka Manama

¹⁵ Asal ka magóbbó tô igimu ka manubù, ándà pulusán na tanggapán din. Makaluwà sikandin iring katô manubù na ikaluwà tikud tun ta balé na magóbbó.

1 Corinto 3:15 ပူးပေါင်းရင်းမြစ်များ

2 Juan 1:8

Purisu banté kó ébô dì kó kalimbungan ikandan asta ébô dì kó kandaan katô pulusán na bággén ákniyu tun ta tapuri álló.

Judas 1:23

Tabangi yu tô duma mga manubù ébô makaluwà dan tikud tun ta apuy na supak ka Manama. Kéduwi yu tô mga manubù agad madat é mga linumuwan dan, asal banté kó agó mapil kó katô mga salà dan.

Igpakita 3:18

Purisu ni gó tô kagin ku ákniyu. Kangé yu tikud dini kanak tô duwán bánnal lagà iring na bulawan na mantu inému ébô bánnal kó ágkaduwánnan. Kangé yu tikud dini kanak tô bánnal pagtambun katô kayyaan yu iring na umpak na ándà kaburingi ébô katambunan tô kayyaan yu. Kangé yu tikud dini kanak tô bánnal makatabang ákniyu iring na bawì na makólì ka mata ébô kumita kó ka kabánnalan.

1 Pedro 4:18

Mà katô kagi ka Manama na igsulat, “Atin ka mahirap tô katábbus katô mga manubù na nángngà tun ta saruwan ka Manama, mamánnu tô mga ándà bánnal katô Manama asta tô mga masalà-salà?”

Lumu 27:21

Idugé dán na ándà igkan dé. Purisu igtindág si Pablo, asta igkagi sikandin, na mà din, “Mga unawa ku, madigár pád ka igbánnal kó katô igkagi ku ákniyu tô ándà ki pa panó tikud tun ta Creta ébô dì kadattan tô piniddan ta, asta ándà kahirapan ta.

Lumu 27:44

Ikatapuri tô mga manubù na dì katig ágsilám. Igawidan dan tô mga tabla asta tô mga itáppù bahin katô barko. Purisu ándà kamánnu tô langun dé, asta ikadunggù ké tun ta baklayanán.