1 Corinto 16:20 - Kagi Ka Manama

²⁰ Ágpangumusta ákniyu tô langun kataladi ta dini. Papangumustaé kó langun na ágpampamaké ágtákkássan katô kapaginawaé yu.

1 Corinto 16:20 ပူးပေါင်းရင်းမြစ်များ

Roma 16:16

Tô langun yu na ágpamaké ki Cristo, atin ka malimud kó mangadap, kailangan papangumustaé kó, su tô gó tô pató na sikita tô mga sakup ka Manama. Tô langun ágpampamaké kannun, ágpangumusta dan ákniyu.

1 Pedro 5:14

Papangumustaé kó langun yu na ágpampamaké, su tô gó tô kakilalaan na ágpaginawaé kó. Mólà pa ka duwán kasunayan katô langun yu na igpasakup ki Cristo.

1 Tesalonica 5:26

Papangumustaé kó langun na kataladi ágtákkássan katô kapaginawaé yu.

Hebreo 13:24

Uliti yu tô mga tarapid ka simbaan asta tô langun sakup ka Manama na ágpangumusta a kandan. Ágpangumusta pagsik ákniyu tô mga taga Italia.

Filipos 4:22

Ágpangumusta ákniyu tô langun sakup ka Manama dini, asta tuu pa gó tô mga taralumu tun ta palasyo katô emperador.

Roma 16:23

Ágpangumusta si Gayo ákniyu. Igpóddô a ikandin tun ta balé din na ágpangadapanan katô langun manubù nit lunsud. Ágpangumusta si Erasto na tesorero kani lunsud, asta ágpangumusta si Quarto na sábbad kataladi ta.

Roma 16:21

Si Timoteo na duma ku na ágtinurù ágpangumusta ákniyu. Ágpangumusta pagsik tô mga kadumaan ku Judio na si Lucio, si Jason, asta si Sosipatro.

Mateo 5:47

Atin ka mga kataladi yu dád tô tagadán yu, ándà ilumu yu na madigár ka tandingán katô áglumun ka ássa mga manubù, su agad tô langun manubù na dì ágbánnal ka Manama, ágtabang dan ka mga kataladi dan.