1 Corinto 15:53 - Kagi Ka Manama

⁵³ Su ni lawa ta na maróddóg asta maté kailangan bullasan katô lawa na dì dán maróddóg asta dì dán maté.

1 Corinto 15:53 ပူးပေါင်းရင်းမြစ်များ

1 Juan 3:2

Mga ágginawaan ku, agad mga gabatà kid katô Manama áknganni, ándà pa pasóddóri ka Manama áknita ka ándin tô kéringan ta tun ta katapuriyan álló. Asal isóddóran ta na ka pakita dán si Cristo, makéring ki kandin, su kitanán ta sikandin na magunawa gó katô bónnóng din áknganni tun ta langit.

Roma 2:7

Duwán kantayan na ándà ágtamanán na bággén ka Manama tun ta mga manubù na pakatiis áglumu ka madigár asta malyag na durungán asta pabantugán dan ka Manama asta malyag katô kantayan na ándà ágtamanán.

Efeso 4:24

Igbággayan kó katô mantu ágkémun, su igimu kó ka Manama na mantu iring kandin. Kailangan pakitanán yu gó na igpamantu kód ukit katô áglumun yu na nángngà asta malinis tun ta saruwan ka Manama.

Galacia 3:27

Tô langun yu na igpasábbad tun ki Cristo ukit katô kapabunyag yu, igpamantu yu tô ágkémun yu iring katô ágkémun i Cristo.

Roma 1:23

Igtayyugan dan tô matulus Manama na dì ágkamaté asta igpangadap dan baling tô mga ágmanaman na igimu dan iring na bónnóng katô mga manubù na ágkamaté, mga manuk ta kayun, mga mannanap, asta mga áppuy.