1 Corinto 15:34 - Kagi Ka Manama

³⁴ Piyai yu tô panámdám yu, asta sódô kó áglumu ka salà. Kailangan kayyaan kó su duwán tun ákniyu na ándà ikasóddór katô Manama.

1 Corinto 15:34 ပူးပေါင်းရင်းမြစ်များ

1 Corinto 6:5

Nángngà ka kayyaan kó! Manan ka ándà palang manubù diyan ákniyu na nángngà tô kapandayan din ébô musay?

Roma 13:11

Tuman yu ni igkagi ku ákniyu, su isóddóran yu ka ándin tô timpo áknganni. Isóddóran yu na ni gó tô oras na kailangan ngumilam kó iring na manubù na ikatanud, su madani dán tô álló na paluwaán ki i Cristo ka tandingán katô mantu ki pa igpamaké kandin.

Efeso 5:14

su kappawaan tô langun na ágtaddawan katô kabánnalan. Purisu duwán ágkagin na, “Atin ka ágtudug ka, lagimmata kad. Atin ka inaté ka, ánnó kad, su kataddawan ka i Cristo.”

1 Corinto 8:7

Agad sábbad dád tô Manama, asal duwán mga ágpampamaké na ándà ikasóddór kani kabánnalan. Su dángngan tô ándà dan pa pamaké, inayadan dan gó tô mga ágmanaman, asta sippang áknganni, atin ka ágkan dan katô ágkakan na igbággé tun ta mga ágmanaman, tô panámdám dan iring na ágpangadapán dan gó tô mga ágmanaman. Purisu ágpanámdám dan na makasalà dan ukit katô kakan dan kani.

Roma 1:28

Su igélléyan dan tô kasóddóran tingód katô Manama, igpabayà ka Manama sikandan ébô kapánnuan dan katô ánnà nángngà panámdám dan. Purisu iglumu dan tô ánnà nángngà tun ta saruwan ka Manama.

Juan 8:11

Igtaba tô bayi, na mà din, “Ándà, Sir.” Igkagi si Jesus, na mà din, “Diya pagsik sumupak áknikó. Ulì kad, asta yakad gabé áglumu ka salà.”]

Juan 5:14

Ándà kadugé, igkita si Jesus kandin tun ta plasa ka templo. Igkagi si Jesus, na mà din, “Na, inólian kad! Yaka gabé áglumu ka salà ébô dì ka dungguan katô tuu pa madat.”

Jonas 1:6

Na, ikitaan sikandin katô kapitan ka barko, asta igkagi sikandin, na mà din, “Manan ka ágtudug ka dalám kani kadattan ta? Ánnó ka, asta pamuyù ka ka tabang katô áknikó manama agó kéduwan sikandin áknita ébô dì ki maté!”

1 Tesalonica 4:5

Yakó ágkapid katô madat kakalyag katô ákniyu lawa iring na áglumun katô mga dì ágpamaké katô Manama.

Mateo 22:29

Igtaba si Jesus, na mà din, “Duwán sayup yu, su ándà yu kagpátti tô kagi ka Manama na igsulat, asta ándà yu kasóddóri ka ándin tô lumun ka Manama ukit katô katulusan din.

Lumu 26:8

Yakó ágpanámdám na dì makému makanté puman tô Manama katô mga manubù na inaté.

1 Corinto 4:14

Ándà a sulat kani ákniyu ébô payayyaán kó, asal kakalyag ku na katinuruan kó iring na mga gabatà ku na ágginawaan ku.